میگا ایونٹ کے دوران کھیلے گئے چار میچوں میں سب سے زیادہ توجہ جاپان اور تیونس کے درمیان ہونے والے اس تاریخی مقابلے پر مرکوز رہی۔ شائقین فٹ بال نے نہ صرف ایک اہم میچ دیکھا بلکہ ورلڈ کپ کی تقریباً ایک صدی پر محیط تاریخ کے ایک نئے باب کے بھی گواہ بنے۔
میچ سے قبل تیونس کے کپتان Ellyes Skhiri نے کہا کہ ورلڈ کپ کے ایک ہزارویں میچ کا حصہ بننا ان کے لیے اعزاز کی بات ہے۔ دوسری جانب جاپان کے کوچ Hajime Moriyasu نے بھی اس تاریخی موقع پر خوشی کا اظہار کرتے ہوئے اسے عالمی فٹ بال کے لیے ایک اہم لمحہ قرار دیا۔
میدان میں جاپانی ٹیم نے شاندار کھیل پیش کرتے ہوئے تیونس کو مکمل طور پر آؤٹ کلاس کر دیا۔ جاپان نے جارحانہ حکمت عملی اور منظم کھیل کی بدولت چار گول اسکور کیے جبکہ تیونس کی ٹیم کوئی گول نہ کر سکی۔ یوں جاپان نے یہ تاریخی مقابلہ 0-4 سے اپنے نام کر لیا۔
فیفا ورلڈ کپ 2026 کئی حوالوں سے منفرد اہمیت کا حامل ہے۔ یہ پہلا عالمی کپ ہے جس میں 48 ٹیمیں شریک ہیں، جبکہ ٹورنامنٹ کے کوالیفائنگ مرحلے میں ریکارڈ 209 قومی ٹیموں نے حصہ لیا تھا۔ ٹیموں کی بڑھتی ہوئی تعداد اور عالمی سطح پر فٹ بال کی مقبولیت نے اس ایڈیشن کو ورلڈ کپ کی تاریخ کے سب سے بڑے اور وسیع ترین مقابلوں میں شامل کر دیا ہے۔
ورلڈ کپ کے ایک ہزارویں میچ کا اعزاز حاصل کرنے والا یہ مقابلہ نہ صرف جاپان کی بڑی فتح کے باعث یاد رکھا جائے گا بلکہ اس لیے بھی تاریخ کا حصہ بن گیا ہے کہ اس نے فیفا ورلڈ کپ کے تقریباً سو سالہ سفر میں ایک اہم سنگ میل کی نمائندگی کی۔
