بارہمولہ، جموں و کشمیر سے تعلق رکھنے والے نوجوان ایتھلیٹ منظور نے اردن کے دارالحکومت عمان میں 21 سے 24 اگست 2025 تک منعقدہ باوقار 13ویں ایلیٹ کپ انٹرنیشنل تائیکوانڈو چیمپئن شپ میں بھارت کے لیے کانسی کا تمغہ جیت کر ملک کا نام روشن کیا ہے۔
یہ چیمپئن شپ اردن نیشنل تائیکوانڈو فیڈریشن کے زیرِ اہتمام منعقد کی گئی، جسے عرب دنیا کے ممتاز ترین کھیلوں کے مقابلوں میں شمار کیا جاتا ہے۔ اس میں مشرقِ وسطیٰ کے چوٹی کے ایتھلیٹس اور اولمپک امیدواروں نے شرکت کی۔
اس بین الاقوامی مقابلے سے قبل،دانش نے 6 اگست سے 20 اگست 2025 تک ایک اعلیٰ سطح کے بین الاقوامی تربیتی کیمپ میں حصہ لیا، جو اردن اولمپک ٹیم کے قومی کوچ ایمن الحُسامی کی زیرِ نگرانی ہوا۔ یہ تربیت جموں و کشمیر تائیکوانڈو ایسوسی ایشن کی معاونت سے ممکن ہوئی۔ سخت محنت، لگن اور تیاری کا صلہ انہیں ان کا پہلا بین الاقوامی تمغہ دلوا کر ملا۔ینش منظور نے اس کامیابی پر اپنے جذبات کا اظہار کرتے ہوئے کہا کہ "یہ تمغہ میرے کوچ ماسٹر اتل پنگوترا کی رہنمائی اور ان تمام لوگوں کی دعاؤں اور تعاون کا نتیجہ ہے جنہوں نے مجھ پر یقین رکھا۔ میں یہ کامیابی اپنے کوچ، اپنے خاندان اور اپنے ملک کے نام کرتا ہوں۔"
HELP فاؤنڈیشن نے تربیتی کیمپ اور چیمپئن شپ دونوں کے لیے مکمل اسپانسرشپ فراہم کی، جس کی بدولت یہ کارنامہ ممکن ہو سکا۔
یہ کامیابی نہ صرف بارہمولہ اور جموں و کشمیر کے لیے ایک تاریخی لمحہ ہے بلکہ عالمی سطح پر خطے کی کھیلوں کی صلاحیتوں کو بھی اُجاگر کرتی ہے۔دانش کی یہ کامیابی عالمی تائیکوانڈو میں بھارت کی موجودگی کو مضبوط بناتی ہے اور کشمیر کے نوجوانوں کو بڑے خواب دیکھنے اور انہیں پورا کرنے کی ترغیب دیتی ہے۔جموں و کشمیر تائیکوانڈو ایسوسی ایشن کے صدر نےدانش کو بھارت اور جموں و کشمیر کے لیے اعزاز لانے پر مبارکباد پیش کی۔ جموں و کشمیر اسپورٹس کونسل کی سیکریٹری محترمہ نُزہت گل نے بھیدانش کو بین الاقوامی سطح پر تمغہ جیتنے پر دل کی گہرائیوں سے مبارکباد دی۔
