میکسیکو: ازٹیکا اسٹیڈیم میں فیفا ورلڈ کپ دو ہزار چھبیس کی افتتاحی تقریب رنگ، روشنی اور موسیقی سے بھرپور رہی جہاں کولمبیا کی عالمی شہرت یافتہ گلوکارہ شکیرا اور نائیجیریا کے گلوکار برنا بوئے نے شاندار پرفارمنس دے کر شائقین کو جھومنے پر مجبور کر دیا۔ یہ افتتاحی تقریب میزبان میکسیکو اور جنوبی افریقہ کے درمیان افتتاحی میچ سے قبل منعقد ہوئی۔

فیفا ورلڈ کپ فٹبال کے افتتاحی میچ میں میکسیکو نے عمدہ کارکردگی کا مظاہرہ کرتے ہوئے جنوبی افریقہ کو 0-2 کی شکست دیدی

IT’S FINALLY HERE: IT’S WORLD CUP TIME, EVERYBOOOODY! 🏆❤️ pic.twitter.com/OmwnF6SLa1

— World Cup 2026 (@ofootball__) June 11, 2026

80 ہزار تماشائیوں کی گنجائش والے تاریخی ازٹیکا اسٹیڈیم میں شاندار آتش بازی کی گئی جبکہ ورلڈ کپ ٹرافی کے بڑے ماڈل کے گرد رقاصوں نے دلکش پرفارمنس پیش کی۔ یہ وہی اسٹیڈیم ہے جہاں 1970 اور 1986 کے ورلڈ کپ کے فائنل کھیلے گئے تھے اور اس ایونٹ کے لیے اسے نئے انداز میں تزئین و آرائش کے بعد تیار کیا گیا ہے۔

🎥 COMPLETO: Assista à performance de Shakira e Burna Boy cantando “Dai Dai” na cerimônia de abertura da Copa do Mundo FIFA 2026! pic.twitter.com/ZRmltKr9oH

— Central Shakira Brasil 🇧🇷 (@CentralShakira) June 11, 2026

تقریب کی خاص بات شکیرا اور برنا بوئے کا مشترکہ گانا “ڈائی ڈائی” تھا جو اس ٹورنامنٹ کا آفیشل گانا بھی ہے۔ اس پرفارمنس پر اسٹیڈیم تالیوں اور نعروں سے گونج اٹھا۔ اس سے قبل جے بالون اور اطالوی ٹینور آندریا بوچیلی سمیت دیگر فنکاروں نے بھی پرفارم کیا اور ماحول کو مزید پرجوش بنا دیا۔

Mexico celebration 🇲🇽 pic.twitter.com/df1q1vndBr

— World Cup 2026 (@ofootball__) June 11, 2026

 فٹبال اسٹیڈیم میں شکیرا اور برنا بوئے کی زبردست پرفارمنس نے دنیا بھر کے شائقین کو جھومنے پر مجبور کر دیا۔

میکسیکو میں کھیلے جانے والے افتتاحی میچ سے قبل تین افتتاحی تقریبات میں سے پہلی تقریب یہیں منعقد کی گئی جس نے ایونٹ کے آغاز کو یادگار بنا دیا۔

تقریب کے دوران شکیرا اور برنا بوئے نے ورلڈ کپ کا آفیشل گانا “ڈائی ڈائی” پیش کیا۔ شکیرا کی شاندار انٹری سے قبل روایتی رقص کے ذریعے میکسیکو نے ورلڈ کپ کا پرتپاک خیرمقدم کیا۔اس موقع پر میکسیکن بینڈ مانا، وینزویلا کے گلوکار ڈینی اوشین اور جے بالوین نے بھی اپنی پرفارمنس سے تقریب کو مزید رنگین بنا دیا۔

ورلڈ کپ کے افتتاحی میچ میں میزبان میکسیکو اور جنوبی افریقہ کی ٹیمیں آمنے سامنے تھیں ۔واضح رہے کہ مشترکہ میزبان ممالک کینیڈا اور امریکا میں بھی اپنے پہلے میچ سے قبل افتتاحی تقاریب منعقد کی جائیں گی۔

تماشائیوں نے افتتاحی تقریب کو شاندار قرار دیا۔ ایک مداح ان اوروزکو نے کہا کہ یہ میکسیکو میں ایک بڑی خوشی کا لمحہ ہے جبکہ ایک نوجوان گسٹا وو رامیرز کے مطابق یہ تجربہ حیرت انگیز تھا۔

تاہم اسٹیڈیم سے باہر میکسیکو سٹی کے مرکزی علاقے میں صورتحال کشیدہ رہی جہاں ہزاروں شائقین ورلڈ کپ فین زون میں داخل ہونے کی کوشش کرتے ہوئے دھکم پیل کا شکار ہوئے۔ سیکیورٹی رکاوٹوں اور احتجاجی مظاہروں کے باعث داخلے میں مشکلات پیش آئیں۔ حکام کو ہجوم کنٹرول کرنے کے لیے اعلانات کرنا پڑے اور بعض مقامات پر پولیس اور شائقین کے درمیان تلخ کلامی بھی ہوئی۔

The atmosphere is stunning 🏆pic.twitter.com/hLns0YJdYy

— World Cup 2026 (@WorldCupMedia) June 11, 2026

مقامی انتظامیہ نے اعلان کیا کہ فین زون مکمل طور پر بھر چکا ہے اور شائقین سے متبادل مقامات کا رخ کرنے کی اپیل کی گئی۔ اسی دوران شہر میں جاری اساتذہ کے احتجاج نے بھی صورتحال کو مزید پیچیدہ بنا دیا۔

Lighting up the night sky in Mexico City for the #FIFAWorldCup ✨#NovaSkyStories pic.twitter.com/K3uW3iw2Y1

— FIFA World Cup (@FIFAWorldCup) June 11, 2026

ان مشکلات کے باوجود افتتاحی تقریب اور اسٹیڈیم کے اندر کا ماحول ورلڈ کپ کے آغاز کو یادگار بنانے میں کامیاب رہا اور دنیا بھر میں شائقین کی توجہ اس تاریخی ایونٹ پر مرکوز ہو گئی۔