نئی دہلی
سابق آسٹریلوی فاسٹ بولر بریٹ لی نے ملک میں کورونا کے مریضوں کیلئے آکسیجن کی کمی کو پورا کرنے کی غرض سے ایک خطیر رقم کا عطیہ کیا ہے۔ واضح رہے کہ اس سے قبل آسٹریلوی کرکٹ ٹیم کے فاسٹ بولر پیٹ کمنس نے کورونا مریضوں کیلئے 50 ہزار ڈالر کی رقم عطیہ کی تھی۔
بریٹ لی نے پیٹ کمنس کو اس اقدام کو سراہتے ہوئے 41 لاکھ سے زائد کی رقم ہندوستان میں آکسیجن سلینڈرز کی کمی کو پورا کرنے کیلئے عطیہ کرنے کا اعلان کیا ہے۔
انہوں نے سوشل میڈیا پر جاری پیغام میں بتایا کہ اس مشکل وقت میں بھارت اور بھارتی عوام سے انہیں دلی ہمدردی ہے، ایسے میں وہ ان کیلئے کچھ کرنا چاہتے ہیں۔ انہوں نے مداحوں سے سماجی فاصلہ، ہاتھ دھونےاور کورونا ایس او پیز پر سختی سے عملدرآمد کرنے کی بھی اپیل کی۔