دبئی (پی ٹی آئی): بھارتی اسپنر روی بشنوئی اور بائیں ہاتھ کے فاسٹ بولر ارشدیپ سنگھ بدھ کے روز جاری ہونے والی تازہ ترین آئی سی سی ٹی ٹوئنٹی رینکنگ میں بالترتیب چھٹے اور دسویں نمبر پر پہنچ گئے۔اگرچہ ورون چکرورتی بدستور چوتھے نمبر پر سب سے اوپر موجود بھارتی گیندباز ہیں، بشنوئی، ارشدیپ اور اکشر پٹیل تینوں نے ایک ایک درجہ ترقی کی اور بالترتیب چھٹے، دسویں اور 13ویں مقام پر پہنچ گئے۔

بیٹنگ میں ابھیشیک شرما 829 ریٹنگ پوائنٹس کے ساتھ بدستور سرِ فہرست ہیں، ان کے بعد تلک ورما دوسرے نمبر پر اور کپتان سوریہ کمار یادو چھٹے نمبر پر موجود ہیں۔البتہ یشسوی جیسوال، جو بھارت کی 15 رکنی ایشیا کپ ٹیم میں شامل نہیں ہیں اور ریزرو کھلاڑیوں میں ہیں، ایک درجہ گر کر 11ویں نمبر پر پہنچ گئے۔ رتوراج گائیکواڑ اور سنجو سیمسن ایک ایک درجہ اوپر جا کر بالترتیب 26ویں اور 34ویں نمبر پر پہنچے۔

آل راؤنڈرز میں ہاردک پانڈیا بدستور نمبر 1 پر ہیں، ان کے 252 ریٹنگ پوائنٹس ہیں۔یہ ٹی ٹوئنٹی رینکنگ یو اے ای، افغانستان اور پاکستان کی سہ ملکی سیریز کے اختتام کے بعد اپ ڈیٹ کی گئی ہے۔ اس سیریز کا فائنل پاکستان نے افغانستان کو 75 رنز سے شکست دے کر جیتا۔ون ڈے بیٹنگ رینکنگ میں کوئی تبدیلی نہیں ہوئی۔ بھارت کے شبمن گل دنیا کے نمبر 1، کپتان روہت شرما نمبر 2، ویرات کوہلی نمبر 4 اور شریاس آئیر نمبر 8 پر ہیں۔

البتہ ون ڈے بولنگ رینکنگ میں بھارت کے کلدیپ یادو ایک درجہ گر کر چوتھے نمبر پر آ گئے اور رویندرا جدیجا دو درجے نیچے اتر کر 10ویں نمبر پر پہنچے۔ محمد شامی اور محمد سراج بھی دو دو درجے نیچے گر کر بالترتیب 14ویں اور 15ویں نمبر پر پہنچ گئے۔