آواز دی وائس کشن گنج بہار۔

بہار کے سرحدی ضلع کشن گنج سے سامنے آنے والی یہ کہانی ان تمام تعصبات کو توڑتی ہے جو اکثر ہندو مسلم رشتوں کے بارے میں سماج میں پھیلا دیے جاتے ہیں۔ ایک ہندو ٹیچر جنہیں مسلم اکثریتی اس ضلع میں جوائننگ سے پہلے منی پاکستان کہہ کر ڈرایا گیا تھا وہی ٹیچر تبادلے کے بعد جب یہاں سے رخصت ہونے لگیں تو مسلم سماج کی محبت اور اپنائیت یاد کرکے پھوٹ پھوٹ کر رو پڑیں۔ یہ منظر نہ صرف جذباتی تھا بلکہ سماجی ہم آہنگی کی ایک مضبوط تصویر بھی پیش کرتا ہے۔

 

 

 

 

View this post on Instagram

 

 

 

 

 

 

 

 

 

 

 

A post shared by Shamsul Haque Alimi (@alimishamsul)

جب ٹیچر کا تبادلہ کشن گنج ہوا تھا تو ان کے گھر والوں اور جان پہچان والوں میں تشویش کا ماحول تھا۔ کئی لوگوں نے یہ کہہ کر انہیں حوصلہ شکنی کی کہ یہ علاقہ حساس ہے اور یہاں ماحول ٹھیک نہیں رہتا اور طنز کے طور پر اسے منی پاکستان کہا جاتا ہے۔ ان باتوں نے ٹیچر کے دل میں بھی انجانے خوف پیدا کر دیے تھے۔ اس کے باوجود انہوں نے اپنے فرض کو ترجیح دی اور کشن گنج میں اسکول جوائن کیا۔

ابتدائی دنوں میں وہ محتاط رہیں مگر آہستہ آہستہ ان کے تجربات بدلنے لگے۔ اسکول کے بچوں کا برتاؤ والدین کی زبان اور مقامی لوگوں کا تعاون ان کے لیے حیران کن تھا۔ انہیں ہر قدم پر عزت ملی۔ مسلم کمیونٹی نے نہ صرف انہیں ایک استاد کے طور پر قبول کیا بلکہ اپنے گھر کے فرد کی طرح اپنایا۔ تہواروں پر مبارک باد مشکل وقت میں ساتھ اور روزمرہ زندگی میں تعاون نے ان کے دل سے ہر خوف مٹا دیا۔

ٹیچر بتاتی ہیں کہ کشن گنج میں رہتے ہوئے انہیں کبھی یہ محسوس نہیں ہوا کہ وہ کسی دوسرے مذہب سے ہیں۔ یہاں لوگوں نے انہیں صرف ایک انسان اور ایک استاد کے طور پر دیکھا۔ ان کے مطابق جن باتوں سے انہیں ڈرایا گیا تھا وہ زمینی حقیقت سے بہت دور تھیں۔ کشن گنج کا سماج باہمی بھائی چارے اور انسانیت کی مثال ہے۔

ये एक हिन्दू टीचर हैं जिन्हें मुस्लिम बाहुल्य जनपद किशनगंज में जॉइनिंग से पहले “मिनी पाकिस्तान” कहकर डराया गया था, मगर तबादले के बाद जब रुख़्सत होने का वक़्त आया, तो मुसलमानों की मुहब्बत में वह फूट-फूटकर रो पड़ी। pic.twitter.com/9XOHfN7Q5J

— Mr,CooL (@MR_COOL77777) January 16, 2026

حال ہی میں جب ان کا تبادلہ کسی دوسرے ضلع میں ہوا اور وداع کاوقت آیا تو اسکول میں جذباتی ماحول بن گیا۔ بچے والدین اور مقامی لوگ انہیں چھوڑنے پہنچے۔ سب کی آنکھوں میں اداسی تھی۔ اسی دوران ٹیچر خود کو سنبھال نہ سکیں اور سب کے سامنے رو پڑیں۔ انہوں نے کہا کہ ان کا دل یہاں سے جانے کو نہیں ہے مگر سرکاری ملازمت میں تبادلہ ایک عمل ہے۔ جاتے جاتے انہوں نے یہ بھی کہا کہ کشن گنج نے انہیں زندگی کا ایک بڑا سبق دیا ہے۔

اس وداعی لمحے کی ویڈیو اور تصویریں سامنے آنے کے بعد سوشل میڈیا پر یہ کہانی تیزی سے وائرل ہو گئی۔ لوگ اسے ہندو مسلم یکجہتی اور گنگا جمنی تہذیب کی سچی مثال قرار دے رہے ہیں۔ کشن گنج کا یہ واقعہ ثابت کرتا ہے کہ نفرت کی سیاست اور افواہوں کے باوجود ملک کی اصل طاقت آج بھی باہمی اعتماد محبت اور انسانیت میں ہی بستی ہے۔