آواز دی وائس : نئی دہلی
سنگرور ضلع میں بھائی چارے کی ایک نمایاں مثال سامنے آئی ہے۔پونےوال گاؤں کے ایک ہندو پنڈت خاندان نے مسلم برادری کے لیے مسجد کی تعمیر کے لیے زمین دان کر کے سماجی ہم آہنگی کا مضبوط پیغام دیا ہے۔گاؤں میں مسجد کی تعمیر مکمل ہو چکی ہے اور اتوار کو اس کا باقاعدہ افتتاح کیا گیا۔
مسجد کا افتتاح پنجاب کے شاہی امام مولانا محمد عثمان رحمانی لدھیانوی نے کیا۔افتتاحی تقریب میں مختلف مذاہب سے تعلق رکھنے والے افراد کی شرکت دیکھی گئی۔ہندو اور سکھ برادری کے لوگ بھی اس موقع پر موجود رہے۔
زمین عطیہ کرنے والے پنڈت جسپال رام اور پنڈت وجے کمار نے بتایا کہ گاؤں میں مسجد نہ ہونے کی وجہ سے مسلم برادری کو نماز کے لیے دوسرے گاؤں جانا پڑتا تھا۔اس ضرورت کو محسوس کرتے ہوئے خاندان نے مسجد کے لیے اپنی زمین دان کرنے کا فیصلہ کیا۔انہوں نے کہا کہ مسجد کی تکمیل سے گاؤں کے مسلمانوں کو بڑی سہولت حاصل ہوئی ہے۔
گاؤں کے سرپنچ گوبند سنگھ نے بتایا کہ مسجد کے لیے زمین دان کرنے کا یہ اقدام پورے علاقے کے لیے ایک مثبت مثال ہے۔انہوں نے کہا کہ اس طرح کے کام سماج میں بھائی چارے کو مضبوط بناتے ہیں۔
گروووں کا پیغام
