نئی دہلی/سرینگر
جب ملک میں مذہبی نمائندگی کے موضوع پر شدت سے بحث جاری ہے۔ بالخصوص وقف بورڈز میں ہندو اراکین کی شمولیت پر۔ ایسے میں کشمیر سے اتحاد، بھروسے اور شمولیت پر مبنی قوم پرستی کی ایک دل کو چھو لینے والی کہانی نے خاموشی سے ابھر کر سامنے آگئی ہے ۔ سائی مندر سنستھان،نے جو کہ گجرات کے شہر سورت میں قائم ایک معزز مذہبی و سماجی ٹرسٹ ہے، تاریخ ساز قدم اٹھاتے ہوئے فردوس بابا۔ کشمیری مسلمان اور معروف سماجی کارکن۔ کو اننت ناگ میں تعمیر ہونے والے سائی مندر منصوبے کے ٹرسٹی کے طور پر نامزد کیا ہے۔ ایک ایسے ملک میں جہاں شناخت کی سیاست اکثر تقسیم پیدا کرتی ہے، یہ تقرری پیغام دیتی ہے کہ ہندوستان کی اصل روح تفریق میں نہیں، بلکہ مشترکہ خدمت اور باہمی احترام میں ہے۔
گجرات سے تعلق رکھنے والی خواتین کے حقوق کی کارکن اور یونیفارم سول کوڈ ڈرافٹنگ کمیٹی کی رکن، گیتا شروف بھی اس منصوبے کی ٹرسٹی ہیں اور خواتین کے حوالے سے سرگرمیوں کی قیادت کریں گی۔ ان کا ماننا ہے کہ یہ مرکز دنیا کی نگاہ میں کشمیری خواتین کی تصویر بدل دے گا۔ انہیں صرف مظلوم نہیں بلکہ تبدیلی کی معمار کے طور پر دیکھا جائے گا۔ ان کا کہنا ہے کہ کشمیر کی خواتین کو اب صرف مظلوم نہیں بلکہ کل کے معمار کے طور پر دیکھا جائے گا۔ یہاں ہر سلائی امید کا ایک دھاگا بنے گی ۔ ان کے لیے، ان کے بچوں کے لیے اور ہندوستان کے لیے۔ان کی موجودگی یہ بھی ظاہر کرتی ہے کہ یہ منصوبہ قومی مزاج اور پالیسی فہم کا حامل ہے، جو مقامی ہمدردی اور قومی سوچ کو یکجا کرتا ہے۔
سائی مندر سنستھان، سورت کے صدر آچاریہ شیم سریش اس منصوبے کے بڑے مقصد پر روشنی ڈالتے ہیں۔جب ایک ہندو مندر نمائشی طور پر نہیں بلکہ عملی سطح پر ایک مسلمان کو ٹرسٹی مقرر کرتا ہے تو یہ ہماری تہذیب کی گہرائیوں میں موجود اقدار کی عکاسی کرتا ہے۔ انسانیت کا مندر' ہماری تہذیبی خوداعتمادی کا ثبوت ہے۔ ہم تنوع سے نہیں ڈرتے، بلکہ اسے خوش آمدید کہتے ہیں۔ آج جب شور مچانے والے ہمیں تقسیم کرتے ہیں، یہ خاموش عمل ہمیں متحد کرتا ہے۔"
فردوس بابا کشمیری عوام کے لیے کوئی اجنبی نہیں۔ کشمیر سیوا سنگھ کے بانی کی حیثیت سے وہ برسوں سے تعلیم، صحت، بحالی اور ہنرمندی کے فروغ کے میدان میں کام کر رہے ہیں، خاص طور پر ان علاقوں میں جو تنازعے اور پسماندگی کا شکار ہیں۔ انہیں مندر ٹرسٹ میں شامل کرنا کوئی علامتی اقدام نہیں بلکہ ان کی خدمت، دیانت اور وژن کا حقیقی اعتراف ہے۔ یہ تقرری ایک مضبوط پیغام دیتی ہے۔ یہاں عقیدہ ذاتی ہے، لیکن خدمت آفاقی۔ کہ ایک مسلمان مرد اب ایک ایسے ہندو مندر کے مرکزی ٹرسٹیوں میں شامل ہے جو سائی بابا کے نام سے منسوب ہے۔ وہ سائی بابا جو ہر مذہب میں عقیدت رکھتے ہیں۔ یہ اس سچائی کی خوبصورت ترجمانی ہے کہ روحانیت اور خدمت ہر سرحد سے ماورا ہو سکتی ہے۔
یہ اہم قدم ایسے وقت میں اٹھایا گیا ہے جب وادی ایک تازہ دکھ سے دوچار ہے۔ پہلگام میں ہونے والے دہشت گرد حملے نے جذباتی زخم چھوڑے ہیں، اور شفا کی ضرورت پہلے سے زیادہ بڑھ گئی ہے۔ لیکن بدلے یا پیچھے ہٹنے کے بجائے، ٹرسٹ نے شفقت اور تعمیر کا راستہ چُنا ہے۔ اننت ناگ میں بننے والا “انسانیت کا مندر” صرف ایک مذہبی جگہ نہیں ہوگا، بلکہ یہ ایک زندہ و متحرک سماجی نظام ہوگا، جس میں خواتین کو بااختیار بنانے، بچوں کی تعلیم، اور عام صحت کی سہولیات کو ہر ذات، مذہب یا پس منظر کے فرد کے لیے یکساں طور پر مہیا کیا جائے گا۔
ٹرسٹ کی منصوبہ بندی ہے کہ مندر کے احاطے کے ساتھ کئی سماجی سہولیات قائم کی جائیں، جو اسے مکمل کمیونٹی ویلفیئر سینٹر میں تبدیل کریں گی۔ ان میں خواتین کے لیے سلائی، کڑھائی اور ڈیجیٹل خواندگی کے کورسز، نوجوانوں کے لیے پیشہ ورانہ تربیت اور کاروباری رہنمائی کے پروگرام شامل ہیں۔ ایک اسکول یونٹ تعلیمی مواد کی مفت تقسیم، ٹیوٹرنگ، اور شمولیتی تعلیم کو فروغ دے گا، جبکہ ہیلتھ کیمپس ہفتہ وار طبی معائنہ، دوائیں اور مشاورت فراہم کریں گے۔ یہ صرف خیرات نہیں بلکہ منظم بااختیاری ہے ۔ ایک ایسا ماڈل جو بھارتی اقدار پر مبنی خود کفیل اور شمولیتی ترقی کی مثال بن سکتا ہے۔
فردوس بابا نے اپنی تقرری پر کہاکہ میں ایک مسلمان ہوں، اور پھر بھی مجھے سائی بابا مندر میں خدمت کی ذمہ داری سونپی گئی ہے۔ یہی اصل ہندوستان ہے۔ جہاں آپ کا کام، آپ کے نام سے زیادہ اہم ہے؛ آپ کی ہمدردی، آپ کی شناخت سے بڑھ کر ہے۔ پہلگام کے درد کا ہمارا جواب نفرت نہیں، ہم آہنگی ہے۔ کشمیر سیوا سنگھ کے ذریعے ہمارا ہمیشہ یہی یقین رہا کہ وادی کو ہتھیار نہیں، ہنر کی ضرورت ہے۔ آج وہ خواب ’انسانیت کے مندر‘ کی صورت میں حقیقت بن رہا ہے۔ یہ صرف ایک مندر نہیں بلکہ ایک سماجی انقلاب ہے جو تعمیر ہو رہا ہے۔"
یہ پہل، جو ایک طرف کشمیر کی سرزمین سے جڑ ی ہے اور دوسری طرف گجرات کے سوچ سے، خوف اور تفریق کی سیاست کا متبادل بیانیہ پیش کرتی ہے۔جس سے ظاہر ہوتا ہے کہ ہندوستان کا مستقبل صرف رسوم یا نعروں میں نہیں، بلکہ عملی شمولیت، زمینی خدمت، اور بے خوف ہمدردی میں ہے۔ جو ہاتھ دعا کے لیے اٹھتا ہے۔ وہی ہاتھ خدمت کے لیے بھی اٹھنا چاہیے۔ جو دل عقیدت سے جھکتا ہے، وہی دل ہمدردی سے بھی دھڑکنا چاہیے۔ یہی وہ ہندوستان ہے جو ہم تعمیر کر رہے ہیں۔ نہ صرف مندروں میں، بلکہ اسکولوں، کلینکوں اور کمیونٹی ہالوں میں۔ جب اننت ناگ میں انسانیت کے مندر کی پہلی اینٹ رکھی جاتی ہے، تو وہ صرف ایک عمارت کی بنیاد نہیں بنتی۔ بلکہ ایک پیغام بن جاتی ہے۔ ایک پیغام کہ ہندوستان کی عظمت کسی ایک عقیدے میں نہیں، بلکہ سب عقائد کو عمل کے ذریعے گلے لگانے میں ہے۔ یہ صرف ایک علاقائی کہانی نہیں ۔ یہ ہندوستان کی اصل طاقت کی کہانی ہے۔
