یہ راستہ بالکل آسان نہیں تھا۔ شہزاد کو وہ 12 دن آج بھی یاد ہیں جب وہ اور ان کے والد ممبئی میں پاکیزہ ہوٹل سانتا کروز کے قریب فٹ پاتھ پر سوئے تھے۔ وہ بتاتے ہیں کہ وہ اور ابا فٹ پاتھ پر سوتے تھے۔ ایک چھوٹے سے کمرے میں بھی رہے جہاں ایک وقت میں صرف ایک آدمی سو سکتا تھا۔ وہ دن بھر ایسے ریستوران تلاش کرتے تھے جہاں گانا گا کر کھانے کے لیے چند روپے کما سکیں۔ ان تمام مشکلات کے باوجود ان کی ماں کی قربانیاں ان کے حوصلے کو مضبوط بناتی رہیں۔ وہ ہر پیسہ بچا کر ان کی موسیقی کی تعلیم پر خرچ کرتی تھیں۔

دھورندھر سے عالمی شناخت ملنے سے پہلے شہزاد نے آہستہ آہستہ اپنا کریئر بنایا۔ فلم دی کشمیر فائلز میں وہ ہم دیکھیں گے کے لیے اجتماعی آواز کا حصہ تھے۔ ان کے ابتدائی بالی ووڈ کام میں سلطان 2016 شامل ہے۔ بعد میں آشرم سیریز کا ٹائٹل سانگ اور کوڈ نیم تیرنگا میں دمادم مست قلندر نے ایک صوفی اور پلے بیک سنگر کے طور پر ان کی صلاحیت کو نمایاں کیا۔

شہزاد کے کریئر کا اہم موڑ اس وقت آیا جب انہوں نے موسیقار شاشوت سچدیف اور ہدایت کار آدتیہ دھار کے ساتھ عشق جلا کر پر کام کیا۔ یہ 65 سال پرانی قوالی کی نئی پیشکش تھی۔ جب فلم کا ٹریلر ریلیز ہوا تو شہزاد اپنے آبائی شہر بیکانیر میں تھے۔ یہ گانا راتوں رات وائرل ہو گیا اور بالی ووڈ میں ان کی مضبوط جگہ بن گئی۔

YOU CAN'T HATE RANVEER SINGH AFTER WATCHING THIS VIDEO ♥️

Singer Shezhad who sung Ishq Jala Kar from #Dhurandhar praises #RanveerSingh for his gesture to him at the music launch event pic.twitter.com/Yrchxy9ktC

— Aditi (@Aditi289867132) January 13, 2026

دھورندھر کی کامیابی نے شہزاد کی زندگی بدل دی۔ ان کے لیے سب سے جذباتی لمحہ فلم کے میوزک لانچ کے دوران آیا جب رنویر سنگھ نے سب کے سامنے انہیں گلے لگایا اور ان کی آواز کو لائٹننگ قرار دیا۔ تقریباً بیس سال کی گمنامی کے بعد وہ گلوکار جس نے کبھی ممبئی کی راتیں فٹ پاتھ پر گزاری تھیں آج اپنی پہچان بنا چکا ہے۔

شہرت اور کامیابی کے باوجود شہزاد آج بھی زمین سے جڑے ہوئے ہیں۔ وہ کہتے ہیں کہ فٹ پاتھ پر گزارے گئے وہ پندرہ دن انہیں زندگی کے وہ سبق دے گئے جو کوئی موسیقی کی کلاس نہیں دے سکتی تھی۔ ان کا سفر صرف صلاحیت کی نہیں بلکہ رہنمائی حوصلے اور ثابت قدمی کی طاقت کی گواہی ہے۔ممبئی کے فٹ پاتھ سے بالی ووڈ موسیقی کی چکاچوند تک 34 سالہ شہزاد علی کی کہانی ہر ابھرتے گلوکار کے لیے ایک تحریک ہے۔ یہ جدوجہد جذبے اور آخرکار کامیابی کی داستان ہے۔