تحریر: شنکر کمار

جیسے جیسے پاکستان فوج اور دہشت گرد تنظیموں کے درمیان گہرے اور خطرناک تعلقات بے نقاب ہو ے، ان کہانیوں کے سبب پاکستان  ساکھ کے شدید بحران سے دوچار ہے،  ویسے  ہی وہ ہندوستان کی کامیاب سفارتی حکمت عملی کا سامنا کرنے میں مکمل طور پر ناکام دکھائی دے رہا ہے۔ نتیجتاً پاکستان عالمی سطح پر، حتیٰ کہ نمایاں اسلامی ممالک میں بھی، تنہائی کا شکار ہو گیا ہے - ان میں سے کئی نے ہندوستان کے انسدادِ دہشت گردی مؤقف کی حمایت کی ہے۔

قطر کا محتاط مؤقف

میڈیا رپورٹس کے مطابق، پاکستان کے وزیر داخلہ کی دوحہ آمد پر قطر کے وزیر اعظم محمد بن عبدالرحمن الثانی نے پاکستان کو کھلا پیغام دیا کہ ان کا ملک علاقائی کشیدگی میں کمی کی حمایت کرتا ہے۔ انہوں نے کہا، "ہم خطے میں کشیدگی میں کمی کی پالیسی کی حمایت کرتے ہیں،" جس سے واضح ہو گیا کہ قطر ہندوستان کے خلاف پاکستانی کوششوں میں اس کا ساتھ نہیں دے گا۔

بحرین کا دوٹوک ردعمل

22 اپریل کو پہلگام میں دہشت گرد حملے میں 26 افراد کی ہلاکت کے بعد، بحرین نے دہشت گردی کی مذمت کی اور بے گناہ شہریوں کو دہشت زدہ کرنے والے تشدد اور دہشت گردی کے تمام واقعات کو رد کرنے کے اپنے اصولی مؤقف کا اعادہ کیا۔ بحرین اور ہندوستان کے درمیان قریبی تعلقات ہیں اور اس نے دہشت گردی اور اس کی مالی معاونت کے خلاف متعدد دوطرفہ، علاقائی اور بین الاقوامی معاہدوں پر دستخط کیے ہیں۔

20 مئی کو جکارتہ میں اسلامی تعاون تنظیم (OIC) کی پارلیمانی یونین کے اجلاس میں پاکستان کی جانب سے کشمیر پر ہندوستان مخالف زبان شامل کرانے کی کوششوں کو بحرین، انڈونیشیا اور مصر نے ناکام بنا دیا۔

سعودی عرب اور کویت کا سخت مؤقف

سعودی عرب نے پہلگام حملے کی شدید مذمت کی اور 27 تا 29 مئی ہندوستان ی آل پارٹی پارلیمانی وفد کی ریاض آمد کے دوران دہشت گردی کے خلاف نئی دہلی کو غیر متزلزل حمایت کا یقین دلایا۔ کویت وہ پہلا خلیجی ملک تھا جس نے اس حملے کے خلاف سرکاری بیان جاری کیا۔ 30 اپریل کو کویتی وزیر خارجہ عبداللہ علی الیحییٰ نے ہندوستان ی وزیر خارجہ ڈاکٹر ایس جے شنکر سے ٹیلیفون پر بات کی اور یکجہتی کا اظہار کیا۔

عمان کا سخت پیغام

پہلگام واقعے کے پس منظر میں عمان نے دہشت گردی کے تمام اشکال کی شدید مذمت کرتے ہوئے پاکستان کو سفارتی طور پر شدید دھچکا پہنچایا۔ عمان نے واضح کیا کہ وہ کسی بھی مقصد یا وجہ سے کی جانے والی دہشت گردی کو قبول نہیں کرتا۔

26/11 کے بعد اسلامی دنیا کا بدلتا مؤقف

ممبئی کے 26/11 حملے کے بعد اسلامی ممالک میں دہشت گردی سے متعلق مؤقف میں نمایاں تبدیلی آئی ہے۔ مئی کے آخر میں جکارتہ میں ہندوستان ی وفد کی آمد پر انڈونیشیا کی پارلیمانی قیادت نے ہندوستان کی دہشت گردی کے خلاف ’زیرو ٹالرنس‘ پالیسی کی حمایت کی۔ انڈونیشیا کے سب سے بڑے اسلامی ادارے ’نہضت العلما‘ کے صدر KH علیل عبدالشعر عبد اللہ نے بھی ہندوستان کے ساتھ اشتراک پر زور دیا۔

مصر، الجزائر اور ملائیشیا کا مؤقف

مصر اور الجزائر جیسے افریقی اسلامی ممالک نے بھی دہشت گردی کے خلاف ہندوستان کی حمایت کی ہے۔ مصر نے پاکستان کی مایوسی میں اضافہ کرتے ہوئے ہندوستان کے ساتھ مکمل یکجہتی کا اظہار کیا۔ یہاں تک کہ ملائیشیا نے ہندوستان مخالف پاکستانی درخواست کو نظر انداز کرتے ہوئے نئی دہلی کے آل پارٹی وفد کو 10 عوامی رابطہ پروگراموں کی اجازت دے دی۔

خلیجی ممالک کی ہندوستان نوازی

خلیجی ممالک کی ہندوستان کے ساتھ بڑھتی ہم آہنگی پاکستان کے لیے تشویش ناک ہے۔ متحدہ عرب امارات، جو چین اور امریکہ کے بعد پاکستان کا تیسرا بڑا تجارتی شراکت دار ہے، نے دہشت گردی کے خلاف ہندوستان کے ’آپریشن سندور‘ کی حمایت کی۔ ابوظہبی میں 22 مئی کو علی راشد النعیمی نے ہندوستان ی وفد سے بات چیت میں کہا، "دہشت گردی کسی ایک ملک یا خطے کا نہیں بلکہ عالمی خطرہ ہے۔"

قطر کا دو ٹوک پیغام

قطر نے بھی دہشت گردی کے خلاف سخت مؤقف اختیار کیا۔ 6 مئی کو امیرِ قطر شیخ تمیم بن حمد الثانی نے وزیراعظم نریندر مودی کو ٹیلیفون کیا اور پہلگام حملے کے مجرموں کو کیفرِ کردار تک پہنچانے میں ہندوستان کے اقدامات کی مکمل حمایت کی۔ اسی روز پاکستانی وزیر داخلہ محسن نقوی دوحہ میں موجود تھے اور ہندوستان کی طرف سے سندھ طاس معاہدے کی معطلی پر قطر کی حمایت مانگ رہے تھے - جو نہیں ملی۔

سندھ طاس معاہدے پر خاموشی

پاکستان کو سب سے بڑا دھچکا اس وقت لگا جب کسی بھی اسلامی ملک نے ہندوستان کے سندھ طاس معاہدے کی معطلی پر پاکستان کا ساتھ نہ دیا۔ پاکستان کی انڈس ریور سسٹم اتھارٹی کے مطابق، ملک کو 21 فیصد پانی کی قلت اور منگلا و تربیلا ڈیمز میں 50 فیصد ذخیرے کی کمی کا سامنا ہے۔ ہندوستان کی جانب سے پانی کی فراہمی میں ممکنہ کمی سے پاکستان کی زرعی معیشت شدید متاثر ہو گی، جو ملکی جی ڈی پی کا 25 فیصد ہے۔

پاکستان نے کبھی بھی ہندوستان کے کشادہ دل رویے - جس کے تحت اسے دریائے سندھ، چناب اور جہلم کے 80 فیصد پانی کے استعمال کی اجازت دی گئی - کی قدر نہ کی اور جواباً دہشت گردی کو ہی بطور پالیسی اپنایا۔

اسی لیے آج ترکی اور آذربائیجان کے سوا کوئی بھی اسلامی ملک پاکستان کی ہمدردی میں آواز نہیں اٹھاتا، چاہے وہ کتنا بھی خود کو مظلوم ظاہر کرے