ریاض۔ ہندوستان اور سعودی عرب کے درمیان دفاعی شراکت داری مضبوط اور مسلسل وسعت اختیار کر رہی ہے جو باہمی اعتماد پر قائم ہے۔ یہ بات سعودی عرب میں ہندوستانی سفیر سہیل اعجاز خان نے عرب نیوز سے گفتگو کرتے ہوئے کہی۔ انہوں نے کہا کہ سعودی عرب ہندوستان کا قابل اعتماد اور اہم اسٹریٹجک شراکت دار ہے اور دونوں ممالک کے تعلقات صدیوں پر محیط تہذیبی ثقافتی اور تجارتی روابط پر مبنی ہیں جو اب ایک مضبوط اسٹریٹجک شراکت میں تبدیل ہو چکے ہیں۔

سہیل اعجاز خان نے کہا کہ وزیر اعظم نریندر مودی کا اپریل 2025 میں سعودی عرب کا تاریخی دورہ دونوں ملکوں کے تعلقات میں سنگ میل ثابت ہوا۔ جدہ میں ولی عہد محمد بن سلمان کے ساتھ ملاقات میں کئی اہم معاہدے طے پائے جن میں ہندوستان میں مشترکہ ریفائنری منصوبے اور خلا صحت کھیل اور ڈاک کے شعبوں میں تعاون شامل ہے۔ اس دورے کے دوران اسٹریٹجک پارٹنرشپ کونسل کا اجلاس بھی ہوا جس میں مختلف کمیٹیوں کے کام کا جائزہ لیا گیا۔

انہوں نے کہا کہ دفاعی شعبے میں ہندوستان اور سعودی عرب کا تعاون 2014 کے دفاعی معاہدے کے بعد مسلسل مضبوط ہوا ہے۔ دونوں ملکوں کی افواج کے درمیان اعلی سطحی رابطے مشترکہ مشقیں اور وفود کے تبادلے ہوتے رہے ہیں۔ اس تعاون کو مزید وسعت دیتے ہوئے اسٹریٹجک پارٹنرشپ کونسل میں وزارتی سطح کا دفاعی ستون بھی شامل کیا گیا ہے۔

سفیر نے بتایا کہ اب تک مشترکہ دفاعی کمیٹی کے سات اجلاس ہو چکے ہیں۔ بحری مشق الموہد الہندی اور زمینی مشق سدا تنسیق منعقد کی جا چکی ہیں۔ ہندوستانی بحری جہازوں کی سعودی بندرگاہوں پر آمد و رفت بھی جاری ہے جس سے تعلقات مزید مستحکم ہوئے ہیں۔

انہوں نے کہا کہ ورلڈ ڈیفنس شو 2026 میں ہندوستان نمایاں شرکت کرے گا۔ پہلی بار ہندوستان کا باقاعدہ پویلین قائم کیا جائے گا جہاں دفاعی صنعت میں ہندوستان کی صلاحیتوں کو پیش کیا جائے گا۔ ہندوستانی افواج کی اعلی قیادت بھی اس وفد میں شامل ہوگی۔

'Favorite Coffee is from India’ — our Saudi friends enjoying Indian coffee at the @CoffeeboardI Booth during the Republic Day Reception recently organized by the Embassy in Riyadh.@MEAIndia @IndianDiplomacy pic.twitter.com/4d6hYB9IYC

— India in Saudi Arabia (@IndianEmbRiyadh) February 4, 2026

سہیل اعجاز خان نے کہا کہ دفاعی صنعت میں تعاون تیزی سے بڑھ رہا ہے اور میک ان انڈیا میک فار دی ورلڈ کا تصور سعودی عرب کے وژن 2030 سے ہم آہنگ ہے۔ ہندوستان کی دفاعی پیداوار پندرہ ارب ڈالر سے تجاوز کر چکی ہے جبکہ برآمدات دو اعشاریہ سات ارب ڈالر تک پہنچ گئی ہیں۔

A wonderful discussion with students on approaching exams with confidence and positivity. Do watch this very special episode of Pariksha Pe Charcha!#ParikshaPeCharcha26 https://t.co/k7IN79qvek

— Narendra Modi (@narendramodi) February 6, 2026

انہوں نے مزید کہا کہ سعودی کیڈٹس ہندوستانی نیوی اور نیشنل ڈیفنس اکیڈمی میں تربیت حاصل کر رہے ہیں جو دونوں ملکوں کے درمیان اعتماد کا مظہر ہے۔ تربیتی تبادلے پیشہ ورانہ مہارت بڑھانے کے ساتھ ادارہ جاتی روابط کو بھی مضبوط کرتے ہیں اور ہندوستان سعودی دفاعی شراکت داری کے مستقبل کو مزید مستحکم بناتے ہیں۔