ڈاکٹر عبید الرحمن ندوی

استاد دار العلوم ندوۃ العلماء لکھنؤ

 آج ہم میں سے اکثر لوگ گناہوں، برائیوں، جرائم، بدعنوانی اور سماج دشمن سرگرمیوں میں ڈوب چکے ہیں۔ انسانیت اپنی پست ترین سطح کو چھو چکی ہے۔ اس کی حرمت ختم ہو گئی ہے۔ موجودہ قوانین فاسد عناصر میں خوف پیدا کرنے میں ناکام رہے ہیں۔ قانون نافذ کرنے والے ادارے بے اثر ہو چکے ہیں۔ یہ بدقسمتی کی بات ہے کہ پوری دنیا افراتفری کا شکار ہے۔ مادہ پرستی نے زندگی کے عمدہ پہلوؤں کو اپنی چپیٹ میں لے لیاہے۔ ہر قسم کی بدعنوانی اب زندگی کا ایک طریقہ بن چکی ہے۔

یہ بات دل دہلادینے والی ہے کہ آج ہم انسانی اقدارکی کمی اور دولت کی لالچ کی وجہ سےیوکرین، شام، فلسطین، عراق، افغانستان اور میانمار سمیت پوری دنیا میں قتل و غارت، فتنہ و فساد اور نسل کشی دیکھ رہے ہیں۔

یہ مذہب ہی ہے جو ہمارے اندر خوف خدا اور اخلاقی طاقت پیدا کرتا ہے۔ یہ ہمارے لیے وہ خطوط بیان کرتا ہے جن پر ہمیں خود چلنا ہے۔ اس کے علاوہ یہ ہمیں انسانی اقدار اور اعلیٰ اصول سکھاتا ہے۔ یہ ہمیں نجات، ترقی اور خوشحالی کے راستے کی طرف بھی لے جاتا ہے۔ انسانی اقدار بنی نوع انسان کی بڑی نمایاںخصوصیات ہیں۔ اگر وہ ہمارے پاس نہیں ہیں تو ہم حقیقی انسان نہیں ہیں۔ لہٰذا ہر انسان کے لیے ضروری ہے کہ وہ اپنے اندرلحاظ، اخلاقی اقدار، رحمدلی اور ہمدردی کی خصوصیت پیدا کرے۔ ان خصوصیات کے بغیر ہم صرف انسان نما جانور ہیں، نرپشو، اس سے زیادہ کچھ نہیں۔

انسانی اقدار کا دائرہ صرف انسانوں تک ہی محدود نہیں ہے بلکہ یہ دنیا کی تمام چیزوں تک پھیلا ہوا ہے جو بنی نوع انسانی کے فائدے کے لیے بنائی گئی ہیں۔ والدین کے حقوق، اولاد کے حقوق، میاں بیوی کے حقوق، رشتہ داروں کے حقوق، پڑوسیوں کے حقوق، یتیموں کے حقوق، بیواؤں کے ساتھ حسن سلوک، غریبوں کے حقوق، مریضوں کے حقوق، غلاموں اور نوکروں کے حقوق، مہمانوں کے حقوق، مسلمان پر مسلمان کے حقوق، انسانی تعلقات، جانوروں کے حقوق اور اسی طرح کے حقوق انسانی اقدار کے تحت ہیں۔ اپنی کتاب’’True Knowledge‘‘ میں ڈاکٹر ایس۔ رادھا کرشنن کہتے ہیں: ’’یہ ایک اپنشد میں ایک چھوٹا سامکالمہ ہے جس میں ایک سوال کیا گیا ہے: اچھی زندگی کا جوہر کیا ہے؟ استاد نے جواب دیا: کیا آپ نے جواب نہیں سنا؟ ایک کڑک تھی: دا ،دا، دا۔ فوراً استاد نے سمجھایا کہ یہ اچھی زندگی کا نچوڑ ہیں۔ - داما، دانا، دایا۔ وہی اچھی زندگی کے لوازمات ہیں۔ آپ کو دام یا خود پر قابو رکھنا چاہیے، ضبط کرنا چاہیے، جو کہ بنی نوع انسانی کی علامت ہے‘‘۔

جواہر لال نہرو کہتے ہیں:’’مذاہب نے انسانیت کی ترقی میں بہت مدد کی ہے۔ اسی نے اقدار اور معیارات مرتب کیے ہیں اور انسانی زندگی کی رہنمائی کے لیے اصولوں کی نشاندہی کی ہے۔‘‘ (The Discovery of India, P. 511)

وہ مزید کہتے ہیں: ’’کوئی بھی آدمی مذہب کے بغیر نہیں رہ سکتا،‘‘ گاندھی جی نے کہیں لکھا ہے، ’’کچھ ایسے ہیں جو اپنی انانیت کے زعم میں یہ اعلان کرتے ہیں کہ ان کا مذہب سے کوئی تعلق نہیں ہے۔ لیکن یہ ایک آدمی کی طرح ہے جوسانس لے رہا ہے لیکن اس کے ناک نہیں ہے۔ وہ پھر کہتا ہے: ’’میری سچائی سے لگن مجھے سیاست کے میدان میں کھینچ کر لائی ہے۔ اور میں ذرا بھی ہچکچاہٹ کے بغیر کہہ سکتا ہوں، اور پھر بھی پوری انسانیت کے ساتھ، کہ جو لوگ کہتے ہیں کہ مذہب کا سیاست سے کوئی تعلق نہیں ہے، وہ نہیں جانتے کہ مذہب کا کیا مطلب ہے‘‘۔ (An Autobiography, P. 379-380)

واضح رہے کہ تمام مذاہب کا نچوڑ انسانیت ہے جو راستبازی، عمل، تخلیق، رزق، خوشی اور حتمی خود شناسی کے گرد گھومتی ہے کہ میں کون ہوں اور وہ کون ہے۔ انسان کو سماجی جانور کہا جاتا ہے۔ لیکن یہ حرص اور دیگر برائیوں میں گرفتار ہوکر زندگی میں اپنا مقصد بھول جاتا ہے۔ جانور انسان سے زیادہ شکر گزار ہوتے ہیں۔ آپ سب کو’’غلام سکندر اور شیر‘‘ کی کہانی معلوم ہے۔ اپنے زخم کا علاج کروانے پر، شیر نے کئی دنوں تک بھوکے رہنے کے باوجودسکندر کو نہیں کھایا۔ مذہب ہر جگہ ان اخلاقی اور سماجی اصولوں کی حمایت کرتا ہے جنہوں نے انسان کو مہذب بنایا ہے۔ (Enlightment through Humanity and Spirituality, P. 57)

مذہب کا زندگی سے گہرا تعلق ہے۔ اور کہا جاتا ہے کہ مذہب ہی زندگی ہے۔ مذہب انسان کی سب سے بڑی امتیازی خصوصیت ہے۔ بنی نوع انسان کی تاریخ میں کبھی بھی انسانوں کا کوئی قبیلہ ایسا نہیں رہا جس میں کسی نہ کسی مذہب کی شکل ہو۔

مذہب انسانی تاریخ میں سب سے زیادہ طاقتور عوامل میں سے ایک رہا ہے۔ انسانی زندگی کے دیگر پہلو درحقیقت اہم رہے ہیں، پھر بھی انسان کی پوری تاریخ میں اس کی نمایاں ترین خصوصیت اس کا مذہب رہا ہے۔ اسے یقین ہوتاہے کہ وہ کسی مافوق الفطرت تعلق سےجڑا ہے، اور یہ اطمینان ہوتاہے کہ اسے مطلوبہ مافوق الفطرت مدد حاصل ہے۔ فلسفہ یا اخلاقیات، یا کسی بھی مثالی یا ثقافتی تصورات کے برعکس مذہب کا امتیازی کام، انسان کو اس کی زندگی کا اعلیٰ ترین اطمینان دینا ہے جس کے ساتھ وہ مافوق الفطرت طاقت یا دنیاوی قوت تسلیم کرتا ہے۔ (The World's Living Religions, P. 1-2)

مذہب میں تمام صدیوںمیں اور پوری دنیا میں ترقی اور تبدیلی واقع ہوئی ہے۔ یہ جاننا ناممکن ہے کہ اب تک کتنے مذاہب وجود میں آئے، یا اس معاملے میں، موجودہ وقت میں موجود مذاہب کی تعدادکتنی ہے۔ کئی مذاہب دوسرے مذاہب سے پیدا ہوئے ہیں اوران کی اپنی شناخت کے ساتھ ان میں ترقی ہوئی ہے۔ اس کے علاوہ، ایک مخصوص مذہب کے اندر بھی کئی فرقے کام کرتے ہیں۔ جیسا کہ اسلام شیعہ مسلمانوں کے ساتھ ساتھ سنی مسلمانوں پر مشتمل ہے، عیسائیوں کو کیتھولک اور پروٹسٹنٹ وغیرہ میں تقسیم کیا گیا ہے۔ اس وقت دنیا کی آبادی کا ۳۹،۳۳فیصدعیسائیت کے پیروکاروں کی سب سے بڑی تعداد ہے، اسلام آبادی کا ۷۴،۲۲فیصدہے۔ ہندوؤں کی تعداد ۸،۱۳فیصد ہے، بدھ مت کے ماننے والوں کی تعداد۷۷،۶ فیصد ہے جبکہ سکھ اور یہودی آبادی کے۵،۰ فیصد سے بھی کم ہیں۔ مزید یہ کہ آبادی کا۶۶،۹فیصدغیر مذہبی ہے اور تقریباً۲فیصد آبادی کو ملحد قرار دیا گیا ہے۔ (ماخذ: انٹرنیٹ)

یہ لازمی ہے کہ ہمیں غیر انسانی اور دہشت گردانہ کارروائیوں سے دور رہنا چاہیے۔ کوئی بھی مذہب اس قسم کے مظالم اور جرائم کی اجازت نہیں دیتا۔ اگر کوئی اس قسم کے گھناؤنے جرائم اور غلط کاموں کا ارتکاب کرتا ہے تو وہ اپنے عقیدے کا سچا پیروکار نہیں ہے۔ وہ ملامت زدہ، بد باطن ہے اور اپنے مذہب کا وفادار نہیں ہے۔

وقت کا تقاضا یہ ہے کہ ہم اپنے اپنے مذہب کی تعلیمات پر حرف بہ حرف عمل کریں۔ مزید برآں، ہمیں انسانی ہمدردی کا رویہ اپنانا چاہیے اور معاشرے کے غریب اور دبے کچلے طبقوں کے لیے بلا تفریق ذات پات، نسل، رنگ اور علاقے کے فلاحی اور رفاہی خدمات انجام دینے کے لیے آگے آنا چاہیے۔

یہ ایک مسلمان صوفی تھے جس نے فرمایاتھا: ’’چراغ مختلف ہیں، لیکن روشنی ایک ہی ہے‘‘، کچھ چراغ دھندلے ہو گئے ہیں اور بہت کم روشنی دیتے ہیں: دیگر مختلف تجلی کے ساتھ چمکتے ہیں۔ لیکن ایک حقیقی روشنی ہے’’جو ہر آدمی کو روشن کرتی ہے‘‘۔ (Asian Religions, P. 136)

بات کو ختم کرنے کے لیے نبی صلی اللہ علیہ وسلم کے اس قول کا حوالہ دینا مناسب ہو گا ’’خدا ان پر رحم کرتا ہے جو دوسروں پر رحم کرتے ہیں‘‘ مولانا حالی نے اس شعر میں مذکورہ بالا روایت کو نہایت خوبصورتی اور عمدگی سے ترتیب دیا ہے:

کرو مہربانی تم اہل زمیں پر

خدا مہرباں ہوگا عرشِ بریں پر