بھوپال  

شہر کے ممتاز شاعر  ڈاکٹر انجم بارہ بنکوی نے شری رام پر ایسی غزل لکھی  کہ وزیراعظم نریندر مودی نے  بھی  نہ صرف واہ واہ کی بلکہ ایک  شاعر کے نام خط لکھ کر غزل کی تعریف کی اور غزل کی تعریف کرتے ہوئے  ایک خط بھیجا ہے۔

وزیراعظم مودی نے خط میں لکھا کہ آپ جیسے ہم وطنوں کی جانب سے کیے جا رہے اقدامات ملک کو نئی بلندیوں پر پہنچائیں گے۔ ڈاکٹر انجم بارہ بنکوی نے  نے یہ غزل وزیراعظم نریندر مودی  کو بذریعہ ڈاک بھیجی تھی، جس کے بعد وزیراعظم کا خط آیا۔وزیراعظم نے لکھاہے کہ محبت بھرے خط کے ذریعے اپنے خیالات مجھ سےبانٹنے کے لیے شکریہ ۔ ایودھیا دھام میں شری رام للا کی پران پرتیشٹھا کے ایک سال مکمل ہونے پر اپنی خوشی کو ’رام غزل‘ لکھ کر ظاہر کرنے کے لیے آپ کا بہت بہت شکریہ۔

 وزیر اعظم مودی نے ایک غزل کے ذریعے شری رام کی شخصیت کی خوبصورتی کا اعتراف کرتے ہوئے کہا کہ بھگوان شری رام مذہب اور فرض کا زندہ مجسمہ ہیں۔ ہمارے لیے رام کا آدرش ہمیں ہر حال میں صبر، استقامت، ہمت، سچائی اور ہم آہنگی عطا کرے۔ ہمیں اسے رکھنا سکھاتا ہے۔اس کے علاوہ وزیر اعظم مودی نے یہ بھی ذکر کیا کہ "یہ دیکھ کر خوشی ہوئی کہ ملک اور بیرون ملک سے عقیدت مند ایودھیا دھام میں شری رام کے عظیم الشان مندر کے درشن کر رہے ہیں۔ اس سے مقامی معیشت اور روزگار کو فروغ مل رہا ہے۔انہوں نے انجم بارابنکوی کے کام کی تعریف کی اور اس اعتماد کا اظہار کیا کہ اس طرح کی کوششیں ہندوستان کو نئی بلندیوں تک لے جائیں گی۔

 

کیا کہتے ہیں انجم بارہ بنکوی 

  وزیر اعظم نریندر مودی کی جانب سے سراہنا پر خوشی کا اظہار  کرتے ہوئے انجم بارہ بنکوی کہتے ہیں کہ ۔۔۔یہ میرے لیے فخر کی بات ہے کہ وزیر اعظم مودی نے اس غزل کو سراہا ہے۔ یہ میرے لیے بڑے اعزاز کی بات ہے کہ ملک کے وزیراعظم نے میری محنت کو تسلیم کیا اور میری غزل کو سراہا۔ یہ الفاظ انجم کے لیے ایک اہم کارنامہ تھے کیونکہ ان کا خیال ہے کہ ان کی غزلیں اور شعر نہ صرف ادبی نقطہ نظر سے بلکہ ثقافتی اور مذہبی عقائد کے لحاظ سے بھی اہم ہیں۔

شاعر انجم بارہ بنکوی نے کہا  کہ وہ خود اودھ سے آتے ہیں اور ان کی زندگی پر شری رام کا بہت اثر پڑا ہے۔ جو بھی اودھ کا ہوگا، وہ رام کا ہوگا۔ رام تو ہر اودھ کے رہنے والے کے دل میں ہیں۔رام کی شخصیت انہیں بچپن سے ہی متاثر کرتی رہی ہے کیونکہ رام جی  نے جو معیارات قائم کیے، وہ کوئی اور نہیں کر سکتا۔ چاہے وہ بیٹے کے طور پر ہوں، بھائی کے طور پر ہوں، شوہر کے طور پر ہوں، چودہ سال کے بن باس کے دوران سنیاسی کے طور پر ہوں، بادشاہ کے طور پر ہوں یا ایک والد کے طور پر۔ شاعر انجم بارہ بنکوی نے کہا کہ شری رام پر غزل لکھنے کے بعد اگر ان کے خلاف کوئی فتویٰ بھی جاری ہو تو انہیں اس سے کوئی فرق نہیں پڑے گا۔بارہ بنکوی نے کہا کہ آج کل حالات ایسے بنا دیے گئے ہیں کہ 'وندے ماترم' کہو تو قوم کی دہائی دی جاتی ہے۔ لیکن ہماری پرورش ایسی ہوئی ہے کہ ہمیں وندے ماترم کہنے سے کبھی کوئی اعتراض نہیں ہوا، مجھے لگتا ہے کہ جلد ہی حالات پھر سے بدلیں گے۔ شاعر انجم بارہ بنکوی نے ایودھیا میں شری رام کے مندر کے بننے پر خوشی ظاہر کرتے ہوئے کہا کہ اگر رام کا مندر ایودھیا میں نہ بنتا تو پھر کہاں بنتا؟

غزل                     

 جب شاعر انجم بارہ بنکوی سے پوچھا گیا کہ انہوں نے شری رام پر غزل کیوں لکھی تو انہوں نے جواب دیا کہ رام ایک ایسا کردار ہے جس پر لکھنا چاہیے، وہ ہمارے ملک کے مذہبی اور ثقافتی ورثے کا ایک اہم حصہ ہے۔ وہ مجھ سے پہلے میں نے رام اور کرشن پر لکھا ہے تاہم یہ پہلی بار ہے کہ میں نے شری رام پر مکمل غزل لکھی ہے۔ انہوں نے یہ بھی بتایا کہ 2024 سے اب تک وہ شری رام پر 10 غزلیں لکھ چکے ہیں اور نومبر 2025 تک وہ 50 غزلیں لکھ کر کتاب کی شکل میں شائع کر کے وزیر اعظم کو پیش کریں گے۔انجم بارہ بنکوی  نے کہا کہ رام کا کردار ایک بھائی، شوہر اور بیٹے کا ہے، جس کے آئیڈیل ہر ایک کے لیے مشعل راہ ہیں۔ جب ہم اپنے نبی کے بارے میں لکھتے ہیں، تو ہم گہرے جذبات کے ساتھ لکھتے ہیں، اسی طرح رام کے بارے میں لکھتے ہوئے، ان کے لیے میرا احترام اور ایمان میرے لیے اہم ہے، اور اس معاملے میں مذہب  راستے میں نہیں آتا۔

  شاہ رخ خان کی  پسند

 آپ کو بتا دیں کہ  ڈاکٹر انجم بارہ بنکوی کی ایک غزل کے کچھ اشعار  کو  بالی ووڈ کے بادشاہ کہلانے والے  شاہ رخ خان نے دوسال قبل ٹیوٹ بھی کیا تھا

 ذرا محفوظ راستوں  سے گزرنا

تمہاری شہر میں شہرت بہت ہے

مجھے سونے کی قیمت مت بتاو

میں مٹی ہوں میری عظمت بہت ہے

شاہ رخ خان نے 2013میں ان کی ایک غزل کے دو اشعار ٹیوٹ کئے تھے ، جسے انجم بارہ بنکوی نے ری ٹیوٹ کیا تھا جو ان کے ایکس یعنی سابق ٹیوٹر اکاونٹ میں سب سے اوپر پیوست ہے 

کچھ انجم بارہ بنکوی کے بارے میں 

 ڈاکٹر انجم بارہ بنکوی کا تعلق ہندوستان کے تاریخی شہر بھوپال سے ہے ، والد گرامی کا نام سید کرار علی اور والدہ کا نام سیدہ نسیم عائشہ ہے، ان کی پیدائش یکم جنوری 1964 کو میلہ رائے گنج بارہ بنکی میں  ہوئی ، لکھنؤ یونیورسٹی سے (بی اے- ایم اے ) کیا تعلیمی سلسلہ جاری رکھتے ہوئے برکت اللہ یونیورسٹی بھوپال سے (پی ایچ ڈی) مکمل کی -انجم بارہ بنکوی کا تعلق چونکی سادات گھرانے سے ہے اسلئے بچپن سے ہی انہیں نعت لکھنے پڑھنے کا شوق رہا ہے آج بھی وہ جس نعتیہ محفل و نعتیہ مشاعرے میں شریک ہوتے ہیں اپنے معیاری کلام اور روایتی ترنم سے محفل میں جان ڈال دیا کرتے ہیں-۔ ڈاکٹر  انجم بارہ بنکوی  روزگار کی تلاش میں  1991 میں بھوپال  آئے اور یہاں سے شہنشاہ غزل ڈاکٹر بشیر بدر 'شخصیت اور فن' عنوان پر ڈاکٹر محمد نعمان خان کے زیر نگرانی مقالہ تحریر کر برکت اللہ یونیورسٹی بھوپال سے پی ایچ ڈی کی سند حاصل کی۔ڈاکٹر انجم بارہ بنکوی کے حقیقی ماموں حضرت سرور بارہ بنکوی مشہورِ زمانہ شاعر اور ڈاکٹر ساگر عظیم ان کے عزیزوں میں تھے تو غزل کے استاد ڈاکٹر بشیر بدر کی ادبی صحبتوں سے بھی خوب فیض یاب ہوئے اور ان کے ساتھ نہ صرف ملک بلکہ بیرونی ممالک میں بھی مشاعرے پڑھے بلکہ ان کی شعری مجموعے بھی مرتب کیے اور ان کی کے شخصیت و فن پر تحقیق کے کام بھی انجام دیے۔ڈاکٹر انجم بارہ بنکی کے اب تک تقریبا  سات شعری مجموعے منظر عام پر آ چکے ہیں ،انہیں متعدد ادبی انجمنوں اور اداروں نے ایوارڈ سے بھی نوازا ہے۔