گُوہاٹی/ آواز دی وائس
گلوکار زوبین گرگ کی موت کی تفتیش تقریباً مکمل ہو چکی ہے اور 12 دسمبر کو چارج شیٹ داخل کی جائے گی۔ اسام پولیس کے ایک سینئر افسر نے ہفتہ کے روز یہ معلومات فراہم کیں۔
زوبین گرگ کی 19 ستمبر کو سنگاپور میں سمندر میں تیرتے وقت مشتبہ حالات میں موت ہو گئی تھی۔ کرائم انویسٹگیشن ڈیپارٹمنٹ (سی آئی ڈی) کے خصوصی پولیس ڈائریکٹر جنرل مُنّہ پرساد گپتا نے یہاں ایک پریس کانفرنس سے خطاب کرتے ہوئے کہا کہ تفتیش تقریباً مکمل ہو چکی ہے۔ چارج شیٹ میں تفصیلی معلومات دی جائیں گی۔
زوبین کی موت کے معاملے کی تفتیش کر رہے اسپیشل انویسٹی گیشن ٹیم (ایس آئی ٹی) کی قیادت کرنے والے گپتا نے بتایا کہ اب تک سات گرفتاریاں کی گئی ہیں اور 300 سے زیادہ گواہوں سے پوچھ گچھ کی جا چکی ہے۔ انہوں نے مزید تفصیلات بتانے سے انکار کرتے ہوئے کہا کہ چارج شیٹ داخل ہونے کے بعد ہی زیادہ معلومات فراہم کی جا سکیں گی۔
-1762412290625.webp "زوبین موت کیس کی تحقیقات تقریباً مکمل: آسام پولیس")
