ملک اصغر ہاشمی / نئی دہلی

جب آپ ڈاکٹررائوکلیم کوایک کمزرنوزائیدہ بچے کو سینے سے لگائے دیکھتے ہیں تو آپ کے دل میں ایک عجیب سی کسک کا احساس ہوتاہے۔ ویڈیو کے پس منظر میں چل رہا اریجیت سنگھ کا حزنیہ گیت 'میری بھولی ہوئی مسکراہٹ تم یوں ہی سنبھال رکھنا ، اپناخیال رکھنا،میرا خیال رکھنا' اور بچے کاڈاکٹر کی جانب چندھیائی ہوئی آنکھوں سے بار باردیکھنا کسک بڑھادیتا ہے۔

یہ دل کو چھونے والا گانا اریجیت سنگھ اور نیلم مشرا نے لکھا ہے اور خود اریجیت سنگھ نے گایا ہے۔

Doctor- Patient Relationship !❤️

“Its 3am, pre mature baby with Low birth weight started crying . Mother was unstable & she was admitted too .
It’s the great pleasure when we Doctors plays the role of guardian too.”
-Dr Rao Kaleem
Resident Paediatrician, New Delhi pic.twitter.com/qfTjTGGxYH

— Dr Syed Faizan Ahmad (@drsfaizanahmad) June 8, 2021

بہرحال بات ڈاکٹر راؤ کلیم کی کرتے ہیں۔ وہ نئی دہلی کے ایک اسپتال میں ماہر اطفال یعنی بچوں کے ڈاکٹر ہیں۔ ان کی ویڈیو کو جنرل سرجن ڈاکٹر سید فیضان احمد نے سوشل میڈیا پر شیئر کیا ہے۔ ویڈیو کی شیئرنگ کے ساتھ ، لکھا ہے - صبح تین بجے ، کم وزن والے پری میچیور بچے نے روناشروع کردیا۔ والدہ غیر مستحکم تھیں اور انہیں بھی داخل کرایا گیا تھا۔

رائوکلیم کی تعریف میں لکھتے ہیں - 'یہ بڑی خوشی کی بات ہے کہ ہم ڈاکٹر بھی والدین کا کردار ادا کرتے ہیں۔' ڈاکٹر سید فیضان احمدنے اس ویڈیو کا عنوان دیا ہے - ڈاکٹر اورمریض کا رشتہ۔ اس کے ساتھ ایک دل کا ایموجی بھی جوڑا گیا ہے۔ خبر لکھنے کے وقت تک ، اس ویڈیو کو تقریبا ساڑھے چار سو بار دوبارہ ٹویٹ کیا گیا تھا اور اسے دو ہزار بار پسند کیا گیا تھا۔

ویڈیو پر بہت خوبصورت اور حوصلہ افزا تبصرے آ رہے ہیں۔ ڈاکٹر شری کرشنا لکھتے ہیں - 'ڈاکٹر ماں کے کردار میں۔ بہت پیارے۔ اسی طرح ، ڈاکٹر رجت گپتا نے لکھا ہے - 'آپ کو بہت سلام۔ ایک بہت اچھا دن بنانے کے لئے آپ کا شکریہ۔ 'پربھا لکھتے ہیں -' یہ ایک جذباتی رشتہ ہے۔ 'شیوانی چورسیا نے جواب میں لکھا -' 'واہ ، بہت اچھے ڈاکٹر صاحب۔'

قابل ذکر بات یہ ہے کہ کرونا کی دوسری لہر میں بھی اس وبا نے ڈاکٹر برادری پر زبردست حملہ کیا ہے۔ ڈاکٹروں کی تنظیم IMA کے مطابق ، صرف دوسری لہر میں اب تک ساڑھے چھ سو سے زیادہ ڈاکٹروں کی موت ہوچکی ہے۔ بابا رام دیوکی جانب سے ڈاکٹروں کی موت کی تضحیک کی وجہ سے ڈاکٹر برادری اب بھی ناراض ہے۔ یہ غم و غصہ ڈاکٹر سید فیضان احمد کی ویڈیو کے رد عمل میں بھی دکھائی دیتا ہے۔ رنجن ترپاٹھی لکھتے ہیں - 'رام دیو اس احساس کے بارے میں کیا جانتے ہیں۔' انہوں نے ڈاکٹر راؤ کلیم کے اس جذبے کی بھی تعریف کی ہے۔