ممبئی: ممبئی میں ایک تقریب سے خطاب کرتے ہوئے نرملا سیتا رمن نے کہا کہ موجودہ مغربی ایشیا کے بحران کے دوران بھارت کو خاص طور پر “تھری ایفز” یعنی فیول، فرٹیلائزر اور فاریکس پر گہری نظر رکھنے کی ضرورت ہے۔ انہوں نے اس بات پر زور دیا کہ بیرونی چیلنجز کے باوجود بھارت کی اکانومی اب بھی مضبوط اور مستحکم ہے۔ یہ خطاب Small Industries Development Bank of India یعنی سِڈبی کی سینتیسویں سالگرہ کی تقریب میں کیا گیا۔

اس موقع پر وزیرِ خزانہ نے ان بیانات پر تنقید کی جن میں اکانومی کے بارے میں مایوس کن تصویر پیش کی جا رہی ہے۔ انہوں نے کہا کہ بعض لوگ یہ تاثر دے رہے ہیں کہ ملک کی اکانومی تباہ ہو رہی ہے، حالانکہ حقیقت اس کے برعکس ہے۔ نرملا سیتارمن نے کہا کہ عالمی حالات کے مطابق بھارت کی اکنامک پالیسیز کو بہت احتیاط سے ترتیب دیا گیا ہے تاکہ ملکی گروتھ متاثر نہ ہو۔

انہوں نے بتایا کہ حکومت کی جانب سے پٹرول اور ڈیزل پر ایکسائز ڈیوٹی کم کرنے سے تقریباً ایک لاکھ کروڑ روپے کا ریونیو اِمپیکٹ پڑے گا۔ انہوں نے کہا کہ عالمی کشیدگی کے باعث کروڈ آئل کی قیمتوں میں تیزی سے اضافہ ہوا ہے، جبکہ فرٹیلائزر کی قیمتیں “ناقابلِ تصور” حد تک بڑھ چکی ہیں۔ اس کے علاوہ گولڈ کی بڑھتی ہوئی قیمتوں کو بھی انہوں نے ملکی فاریکس کے لیے ایک بڑا چیلنج قرار دیا۔

وزیرِ خزانہ نے کہا کہ وزیرِ اعظم نریندر مودی کی جانب سے عوام سے تعاون اور احتیاط کی اپیل بھی انہی اکنامک خدشات سے جڑی ہوئی ہے۔ انہوں نے بغیر کسی کا نام لیے بعض ناقدین پر الزام لگایا کہ وہ خوف اور نیگیٹوٹی پھیلا رہے ہیں۔ ان کے مطابق، “کچھ لوگ یہ ظاہر کر رہے ہیں کہ سب کچھ کرمبل ہو رہا ہے، جبکہ ایسا نہیں ہے۔

” نرملا سیتارمن نے کہا کہ اکانومی کو درپیش زیادہ تر مشکلات ایکسٹرنل فیکٹرز کی وجہ سے ہیں، لیکن بھارت کی اندرونی اکنامک بنیادیں اب بھی مضبوط اور مستحکم ہیں۔ انہوں نے زور دیتے ہوئے کہا کہ “بھارت افواہوں اور فیئر مانگرنگ کا متحمل نہیں ہو سکتا، ہمیں اپنے الفاظ اور ایکشنز سے عوام میں کانفیڈنس پیدا کرنا ہوگا۔”

انہوں نے مائیکرو، اسمال اور میڈیم انٹرپرائزز یعنی ایم ایس ایم ای سیکٹر کو درپیش مشکلات کا بھی ذکر کیا۔ ان کے مطابق تقریباً 8.1 لاکھ کروڑ روپے کی پینڈنگ ڈیوٗز اب تک رکی ہوئی ہیں، جس کی وجہ سے چھوٹے بزنسز کے ورکنگ کیپیٹل اور گروتھ کے امکانات متاثر ہو رہے ہیں۔