نئی دہلی / آواز دی وائس
وزیر خارجہ ایس جے شنکر نے ہفتہ کو کہا کہ امریکہ کے ساتھ تجارتی مذاکرات میں ہندوستان کی کچھ حدود ہیں اور ہندوستان کسانوں اور چھوٹے پیداوار کرنے والوں کے مفادات کی حفاظت کے معاملے میں کوئی سمجھوتہ نہیں کرے گا۔
جے شنکر نے کہا کہ دونوں فریقین کے درمیان تجارتی معاہدے پر بات چیت جاری ہے۔
‘اکنامک ٹائمز ورلڈ لیڈرز فورم’ میں جے شنکر نے یہ بھی کہا کہ امریکی صدر ڈونلڈ ٹرمپ کا دنیا کے ساتھ برتاؤ کرنے کا طریقہ روایتی انداز سے بہت مختلف ہے اور پوری دنیا اس کا سامنا کر رہی ہے۔
انہوں نے کہا كہ اب تک ایسا کوئی امریکی صدر نہیں رہا، جس نے خارجہ پالیسی کو موجودہ صدر کی طرح عوامی طور پر نافذ کیا ہو۔ یہ بذات خود ایک ایسا تبدیلی ہے، جو صرف ہندوستان تک محدود نہیں ہے۔
ٹرمپ کی جانب سے ہندوستانی مصنوعات پر محصولات کو دگنا کر کے 50 فیصد کر دینے کے بعد ہندوستان اور امریکہ کے تعلقات میں تناؤ پیدا ہو گیا ہے۔ وزیر خارجہ نے کہا کہ تجارت دونوں ممالک کے درمیان “حقیقی معنوں میں سب سے بڑا مسئلہ” ہے۔ انہوں نے کہا كہ بات چیت ابھی بھی جاری ہے اور اہم بات یہ ہے کہ ہمارے درمیان کچھ حدود ہیں۔
جے شنکر نے کہا کہ یہ حدود بنیادی طور پر ملک کے کسانوں اور کچھ حد تک چھوٹے پیداوار کرنے والوں کے مفاد میں ہیں۔
انہوں نے کہا كہ لہذا جب لوگ کہتے ہیں کہ ہم کامیاب ہوئے یا ناکام… اس پر میرا جواب ہے- ایک حکومت کے طور پر ہم اپنے کسانوں اور چھوٹے پیداوار کرنے والوں کے مفادات کی حفاظت کے لیے پُرعزم ہیں۔ ہم اس معاملے میں مکمل طور پر مضبوط ہیں۔
وزیر خارجہ نے ٹرمپ انتظامیہ کے حکام کے اس الزام کا بھی جواب دیا کہ ہندوستان روس سے سستے داموں خام تیل خرید کر اور پھر اسے یورپ اور دیگر جگہوں پر زیادہ قیمت پر بیچ کر “منافع خوری” کر رہا ہے۔
انہوں نے کہا كہ یہ مضحکہ خیز ہے کہ تجارتی حامی امریکی انتظامیہ کے لوگ دوسروں پر تجارتی سرگرمیوں کا الزام لگا رہے ہیں۔
جے شنکر نے کہا كہ یہ واقعی عجیب ہے۔ اگر آپ کو ہندوستان سے تیل یا پرُریفائنڈ پیٹرولیم مصنوعات خریدنے میں کوئی مسئلہ ہے، تو اسے نہ خریدیں۔ کوئی آپ کو خریدنے کے لیے مجبور نہیں کرتا۔ لیکن یورپ خریدتا ہے، امریکہ خریدتا ہے، لہذا اگر آپ کو وہ پسند نہیں، تو نہ خریدیں۔
وزیر خارجہ نے یہ بھی مسترد کیا کہ ہندوستان-امریکہ تعلقات میں تناؤ کے سبب چین کے ساتھ ہندوستان کے تعلقات بہتر ہو رہے ہیں۔ انہوں نے کہا كہ میرے خیال میں ہر چیز کو ایک ساتھ جوڑ کر اس طرح کی رائے بنانا ایک غلط تجزیہ ہوگا۔
