نئی دہلی: سپریم کورٹ نے جمعہ کے روز پہلوان وِنیش فوگاٹ کو ایشیائی کھیل 2026 کے لیے 30 اور 31 مئی کو ہونے والے سلیکشن ٹرائلز میں حصہ لینے کی اجازت دے دی۔ جسٹس پی ایس نرسمہا اور جسٹس آلوک آرادھے پر مشتمل بنچ نے یہ حکم ہندوستانی کشتی فیڈریشن (ڈبلیو ایف آئی) کی عرضی پر سماعت کے دوران دیا۔

ڈبلیو ایف آئی نے دہلی ہائی کورٹ کے اُس حکم کو چیلنج کیا تھا جس میں وِنیش فوگاٹ کو سلیکشن ٹرائلز میں حصہ لینے کی اجازت دی گئی تھی۔ بنچ نے ڈبلیو ایف آئی کی جانب سے پیش وکیل سے کہا: “آج اس مرحلے پر، جب ہائی کورٹ حکم دے چکی ہے، تو امیدیں اور توقعات پیدا ہو چکی ہیں۔

اب ان سے یہ کہنا کہ وہ گھر واپس چلی جائیں اور ہم کچھ نہیں کر سکتے، درست نہیں ہوگا۔ ہم آپ سے یہ بات بہت صاف لفظوں میں کہہ رہے ہیں۔” سپریم کورٹ نے اس معاملے کی اگلی سماعت آئندہ ہفتے مقرر کی ہے۔