مرزا پور: مرزاپور کے ایک علاقے میں جمعرات کی شب کچھ نوجوان شراب کے نشے میں مسجد کو آگ لگا دی، جس سے مسجد میں موجود سامان جل گیا۔ ماحول خراب ہونے کے خدشے کے پیش نظر مسجد کی حفاظت بڑھا دی گئی۔ پولیس نے واقعے میں ملوث نوجوانوں کو شناخت کر کے گرفتار کر لیا اور انہیں عدالتی تحویل میں بھیج دیا ہے۔

معلومات کے مطابق، مرزاپور کے چونار تھانہ علاقے کے موچی ٹولا میں قائم جامع مسجد میں افراتفری مچ گئی، جب کچھ نوجوان شراب کے نشے میں مسجد کو آگ کے حوالے کر دیا۔ آگ کی لہر دیکھ کر لوگوں نے فوری طور پر پولیس کو اطلاع دی۔ موقع پر پہنچنے والی پولیس نے فائر بریگیڈ ٹیم کے ساتھ مل کر آگ پر قابو پا لیا۔ آگ بجھانے میں تاخیر کی وجہ سے مسجد کے اندر لاکھوں روپے کے قالین کا کارخانہ جل کر خاک ہو گیا۔

ماحول خراب ہونے کے خدشے کے پیش نظر مسجد کی سیکیورٹی بڑھا دی گئی اور چار تھانوں کی پولیس موقع پر پہنچ کر صورتحال پر قابو پایا۔ بتایا گیا ہے کہ واقعہ پیر کی رات 2 بجے پیش آیا، جب چند نوجوان شراب کے نشے میں آگ لگا کر فرار ہو گئے۔ آگ لگنے سے مسجد کا مرکزی گیٹ، لکڑی کا دروازہ، لکڑی کی سیڑھی، مسجد کے قالین اور دیگر سامان جل گیا۔ اندر کی دیواریں دھوئیں کی وجہ سے سیاہ ہو گئی ہیں۔

پولیس نے واقعے میں تین نوجوانوں کو گرفتار کر کے پوچھ گچھ شروع کر دی ہے۔ مسجد میں آگ لگنے کی اطلاع ملتے ہی ایس ڈی ایم چونار راجیش کمار ورما، سی او صدر امر بہادر، سی او مدیہان شیکھا بھارتی، اور چونار کوتوال وجے شنکر سنگھ موقع پر پہنچے اور واقعے کی تفصیلات معلوم کیں۔ اس کے علاوہ متعدد افراد سے پوچھ گچھ بھی کی گئی۔

 پولیس افسر آپریشن منیش کمار مشرا نے بتایا کہ اطلاع ملی تھی کہ شراب کے نشے میں کچھ نوجوانوں نے ایک مذہبی مقام کے گیٹ کو نقصان پہنچایا ہے۔ اطلاع پر پولیس کے اعلیٰ حکام اور تھانہ چونار کی ٹیم فوری طور پر موقع پر پہنچ کر تحقیقات کیں، مقدمہ درج کیا اور ملزمان کو گرفتار کر کے عدالتی تحویل میں بھیج دیا۔ موقع پر امن و قانون کی صورتحال معمول کے مطابق ہے۔