کالی کٹ (عبدالکریم امجدی )
گرانڈ مفتی آف انڈیا شیخ ابوبکر احمد نے وینزویلا کے خلاف امریکہ کی طرف سے کی جانے والی یکطرفہ جارحیت کی شدید مذمت کرتے ہوئے انہیں مکمل طور پر ناقابل قبول اور بین الاقوامی قانون اور انصاف کے اصولوں کے منافی قرار دیا ہے۔مفتی اعظم شیخ ابوبکر نے ایک بیان میں نے کہا کہ عالمی برادری خاموش تماشائی نہیں رہ سکتی ہے ۔ انہوں نے اس بات پر زور دیا کہ ایسے اقدامات جو کسی ملک کی خودمختاری اور اس کے عوام کی بھلائی کی قیمت پر اٹھائے گئے ہیں ناقابل دفاع ہیں اور عالمی امن کے لیے سنگین خطرہ ہیں۔ہندوستان کے مفتی اعظم نے کہا کہ ہندوستان، ایک ذمہ دار عالمی جمہوریت کے طور پر بین الاقوامی قانون اور پرامن بقائے باہمی کے لیے پرعزم ہے اس طرح کی ناانصافیوں کے خلاف آواز اٹھائے اور یکطرفہ جارحیت کے خلاف بین الاقوامی مظاہروں کی قیادت کرے۔
انہوں نے عالمی رہنماںپر زور دیا کہ وہ یکطرفہ مداخلتوں کے خلاف اصولی اور فعال موقف اپنائے۔اس طرح کے طریقوں کے طویل مدتی نتائج کے خلاف انتباہ کرتے ہوئے مفتی اعظم نے کہا کہ خودمختار ممالک پر یکطرفہ حملے بنیادی طور پر ریاستی خودمختاری کے تصور کو نقصان پہنچاتے ہیں اور قوانین پر مبنی بین الاقوامی نظام کو ختم کرنے کا خطرہ ہے۔یہ وینزویلا ہے کل کوئی بھی قوم جو اس طرح کے دباؤ کے سامنے سر تسلیم خم کرنے سے انکار کرتی ہے اس کو بھی ایسی ہی صورت حال کا سامنا کرنا پڑ سکتا ہے۔اس نازک موڑ پرہندوستان کے مفتی اعظم نے عالمی برادری سے اپیل کی کہ وہ جارحیت اور ناانصافی کا سامنا کرنے والے تمام لوگوں کے ساتھ یکجہتی کے ساتھ کھڑے ہوں۔ انہوں نے سیاسی اور جغرافیائی حدود سے بالاتر ہو کر اتحاد کی ضرورت پر زور دیا اور امن، انصاف اور انسانی وقار کی عالمی اقدار کو برقرار رکھنے پر زور دیا۔
