نئی دہلی: جماعتِ اسلامی ہند نے منگل (7 اکتوبر) کو ایک پریس کانفرنس کر کے اتر پردیش کی حکومت اور انتظامیہ پر سنگین الزامات عائد کیے۔ تنظیم نے کہا کہ ریاست میں اظہارِ رائے کی آزادی پر حملہ کیا جا رہا ہے اور “I Love Mohammad” جیسے پُرامن نعروں کو بھی جرم کے طور پر دیکھا جا رہا ہے۔ پریس کانفرنس میں تنظیم کے نمائندوں نے کہا: “اگر کوئی شخص اپنے گھر پر ‘I Love Mohammad’ لکھتا ہے تو پولیس اسے جرم سمجھ رہی ہے۔

یہ صورتحال نہایت تشویش ناک ہے۔ کم عمر بچوں تک کو گرفتار کیا جا رہا ہے اور ان پر Unlawful Assembly جیسے سنگین الزامات لگائے جا رہے ہیں۔” جماعتِ اسلامی ہند نے الزام لگایا کہ یوپی حکومت نے بلڈوزر کو “خوف کی علامت” بنا دیا ہے اور سپریم کورٹ کے احکامات کی بھی کھلم کھلا خلاف ورزی کی جا رہی ہے۔ تنظیم نے کہا کہ ریاست میں صرف مسلمانوں ہی نہیں بلکہ دلتوں اور خواتین کے ساتھ بھی ظلم و زیادتی میں اضافہ ہوا ہے۔

تنظیم نے کہا: “ایسے افسران کے خلاف کارروائی ہونی چاہیے جنہوں نے محبت کے پیغام کو جرم بنا دیا۔ ‘I Love Mohammad’ نفرت نہیں بلکہ محبت کا پیغام ہے۔” سیاسی فائدہ اٹھانے کا الزام جماعت کے ترجمانوں نے کہا کہ یہ سب کچھ آنے والے انتخابات میں سیاسی فائدہ حاصل کرنے کے لیے کیا جا رہا ہے۔

“یوپی کا یہ ماڈل پورے ملک کے لیے ایک وارننگ ہے۔” پریس کانفرنس میں تنظیم نے بہار کی Special Intensive Revision (SIR) کارروائی پر بھی سنگین سوالات اٹھائے۔ ان کا کہنا تھا کہ کئی علاقوں میں BLO (Booth Level Officer) پہنچے ہی نہیں اور دو فیصد سے بھی کم لوگوں کو دستخط شدہ فارم ملا۔

جماعت نے کہا: “SIR کے نام پر سیاسی مردم شماری (Political Demography) میں تبدیلی کی جا رہی ہے، خاص طور پر مسلم علاقوں میں۔ تقریباً 33 فیصد مسلم ووٹ کاٹ دیے گئے ہیں، حالانکہ آبادی میں ان کا حصہ صرف 16 فیصد ہے۔ یہ عمل بالکل غیر شفاف ہے۔” جماعتِ اسلامی ہند نے کہا کہ اتر پردیش کا ماڈل ملک کے لیے انتباہ ہے۔

تنظیم نے الزام لگایا کہ ریاست میں مسلمانوں، دلتوں اور خواتین کے خلاف ظلم و جبر بڑھ رہا ہے اور انتظامیہ انہیں خوف زدہ کرنے کے لیے بلڈوزر سمیت مختلف ہتھکنڈوں کا استعمال کر رہی ہے۔ جماعت نے مزید کہا کہ یہ SIR دراصل SIR نہیں بلکہ اسے سیاسی مردم شماری تبدیل کرنے کے لیے استعمال کیا جا رہا ہے، خاص طور پر مسلم اکثریتی علاقوں میں۔

ان کا الزام ہے کہ تقریباً 33 فیصد مسلم ووٹ کاٹ دیے گئے ہیں، حالانکہ کل آبادی میں ان کا حصہ صرف 16 فیصد ہے۔ تنظیم نے بریلی کے حالیہ واقعے کا بھی ذکر کیا۔ اس کا کہنا تھا کہ عام طور پر فساد دو برادریوں کے درمیان ہوتا ہے، مگر الزامات صرف مسلمانوں پر لگائے گئے۔