واشنگٹن/ آواز دی وائس 

امریکی صدر ڈونلڈ ٹرمپ نے ایک بار پھر دعویٰ کیا ہے کہ ان کی مداخلت سے بھارت اور پاکستان کے درمیان ممکنہ ایٹمی جنگ کو روکا گیا۔ انہوں نے کہا کہ اس دوران سات لڑاکا طیارے مار گرائے گئے۔ ٹرمپ نے یہ بھی دعویٰ کیا کہ انہوں  نے دشمنی کو روکنے کے لیے تجارتی دباؤ کا استعمال کیا۔

ٹرمپ نے جمہوریہ کوریا کے صدر کے ساتھ دو طرفہ ملاقات کے دوران پیر کو کہا کہ میں نے ان تمام جنگوں کو روکا ہے۔ ایک سب سے بڑی جنگ ہندوستان اور پاکستان کے درمیان ہوتی۔ ہندوستان اور پاکستان کے ساتھ جنگ اگلے درجے کی ایٹمی جنگ ہوتی۔ انہوں نے پہلے ہی 7 جیٹ طیارے مار گرائے، یہ ایک بڑی جنگ تھی۔

ٹرمپ نے پہلی پاک بھارت جنگ کے دوران 5 طیارے مار گرانے کا دعویٰ کیا تھا۔ امریکی صدر کا مزید کہنا تھا کہ 'میں نے ان سے کہا کہ کیا آپ تجارت کرنا چاہتے ہیں؟ اگر آپ لڑتے رہیں تو ہم آپ کے ساتھ تجارت نہیں کریں گے اور نہ ہی کچھ کریں گے، آپ کے پاس اسے طے کرنے کے لیے 24 گھنٹے ہیں، انھوں نے کہا ٹھیک ہے، اب کوئی جنگ نہیں ہو رہی، میں نے اسے کئی مواقع پر استعمال کیا، میں نے تجارت کی اور جو کچھ میرے پاس تھا، میں نے کیا'

ٹرمپ کا دعویٰ - ٹیرف اور تجارت کے ذریعے 4 جنگیں رک گئیں۔ امریکی صدر نے پیر کو ایک بار پھر دعویٰ کیا کہ انہوں نے پاکستان اور بھارت کے درمیان جنگ سمیت دنیا بھر میں سات جنگیں روک دی ہیں۔ وائٹ ہاؤس میں پریس کانفرنس کے دوران ٹرمپ نے کہا کہ انہوں نے ان میں سے چار جنگوں کو ٹیرف اور تجارت کے ذریعے روکا۔ ٹرمپ نے کہا کہ میں نے کہا کہ اگر آپ لڑنا چاہتے ہیں اور سب کو مارنا چاہتے ہیں تو ٹھیک ہے لیکن پھر میں 100 فیصد ٹیرف لگاؤں گا، نتیجہ یہ نکلا کہ سب پیچھے ہٹ گئے۔ انہوں نے کہا کہ میں نے ان تمام جنگوں کو روک دیا ہے۔ان میں سے ایک بڑی جنگ پاکستان اور بھارت کے درمیان ہوتی۔