سری نگر ۔ ایشیا کا سب سے بڑا باغ گل لالہ یعنی کہ ٹیولپ گارڈن کے دروازے عوام کےلئے کھل گئے۔ ہر سال اس خوبصورت باغ کو لاکھوں پھولوں کے ساتھ عوام کےلئے کھول دیا جاتا ہے۔

اس بار بھی ٹیولپ گارڈن میں 64اقسام کے15 لاکھ پھول نمائش کےلئے پیش کئے جارہے ہیں۔ اہم بات یہ ہے کہ ملک کے وزیر اعظم نریندر مودی نے عوام سے اپیل کی تھی کہ عوام جموں و کشمیر کا دورےکریں اور کشمریوں کی مہمان نوازی سے لطف اندوز ہوں۔نریندر مودی نے ٹیوٹر پر ایک پیغام میں انہوں نے کہا ہے کہ25مارچ اہل کشمیر کےلئے ایک خاص دن ہوتا ہے۔جب ٹیولپ گارڈن کو عوام کےلئے کھول دیا جاتا ہے۔

 ٹیولپ گارڈن تقریبا 6 سو کنال اراضی پر محیط ہے اور 15 لاکھ سے زیادہ خو بصورت ٹیولپ پودے لگائے گئے ہیں۔ یہ پودے سویٹزر لینڈ، ہالینڈ اور دیگر بیرون ممالک سے درآمد کئے گئے ہیں۔ درآمد کئے گئے ٹولیپ پودوں کو لگانے کا کام موسم سرما کے سخت ترین ٹھنڈ کے مہینے نومبر دسمبر میں ہی شروع کیا جاتا ہے اور پھر موافق ماحول کے مطابق مارچ کے آخری ہفتے میں باغ میں ٹولیپ کے رنگ برنگے پھول نظر آنے لگتے ہیں ۔

ٹیولپ فیسٹول کے دوران مقامی اور بیرون سیاحوں کی دل جوئی کے لئے موسیقی اور دیگر کلچرل پروگراموں کا بھی انعقاد عمل میں لایا جارہا ہے۔

جس کے لئے محکمہ پھول بانی نے سیاحتی محکمے کے اشتراک سے تمام تیاریوں کو حتمی شکل دی ہے۔ یاد رہے کہ ایک سال سے کورونا وائرس لاک ڈاؤن کی وجہ سے نہ صرف سیاحتی سیزن بری طرح متاثر ہوابلکہ سیاحوں کی آمد پر منحصر لاکھوں لوگوں کا روزگار بھی چھن گیا۔ وہیں، وادی کشمیر کےدیگر باغات کے ساتھ ساتھ اس باغ گلہ لالہ کو بھی کھلنے سے پہلے ہی بند کرنا پڑا تھا۔ کل ٹیولپ گارڈن عوام کےلئے کھول دئیے جائیںگےتو سری نگر میں سیاحوں کے سامنے ایک نیا مرکز ہوگا۔ جہاں رنگ برنگے پھولوں ایسی خوبصورت چادریں بچھی رہتی ہیں کہ روح تازہ ہوجاتی ہے۔

Tomorrow, 25th March is special for Jammu and Kashmir. A majestic tulip garden on the foothills of the Zabarwan Mountains will open for visitors. The Garden will see over 15 lakh flowers of more than 64 varieties in bloom. pic.twitter.com/LwRPglZ1jO

— Narendra Modi (@narendramodi) March 24, 2021

Whenever you get the opportunity, do visit Jammu and Kashmir and witness the scenic Tulip festival. In addition to the tulips, you will experience the warm hospitality of the people of Jammu and Kashmir. pic.twitter.com/RuZorHWBrO

— Narendra Modi (@narendramodi) March 24, 2021