نئی دہلی
بدھ کی صبح سویرے دہلی میں گرج چمک کے ساتھ ہونے والی بارش سے لوگوں کو شدید گرمی سے راحت ملی۔کم سے کم درجہ حرارت معمول سے کم درج کیا گیا۔ اسٹیشن وار اعداد و شمار کے مطابق سفدرجنگ میں کم سے کم درجہ حرارت 20.4 ڈگری سیلسیس ریکارڈ کیا گیا، جو معمول سے 3.4 ڈگری کم ہے، جبکہ پالم میں کم سے کم درجہ حرارت 20 ڈگری سیلسیس رہا، جو معمول سے 4.9 ڈگری کم ہے۔
اسی طرح لودھی روڈ پر 20.8 ڈگری سیلسیس درج کیا گیا، جو معمول سے 2.2 ڈگری کم ہے۔ رج میں بھی 20.8 ڈگری سیلسیس رہا، جو معمول سے 4.1 ڈگری کم ہے، جبکہ ایانگر میں 21.4 ڈگری سیلسیس درج کیا گیا، جو معمول سے 2.3 ڈگری کم ہے۔
پیر کی رات شہر میں اس سال کی پہلی "گرم رات" ریکارڈ کی گئی۔محکمہ موسمیات کے مطابق، "گرم رات" کی صورتحال اس وقت قرار دی جاتی ہے جب زیادہ سے زیادہ درجہ حرارت 40 ڈگری سیلسیس یا اس سے زیادہ ہو اور کم سے کم درجہ حرارت معمول سے 4.5 سے 6.4 ڈگری سیلسیس زیادہ ہو۔
محکمہ موسمیات نے 'یلو الرٹ' جاری کیا ہے اور گرج چمک کے ساتھ بارش کی پیش گوئی کی ہے۔محکمہ نے 30 اپریل تک وقفے وقفے سے بارش اور گرج چمک کی پیش گوئی کی ہے۔بدھ کے روز زیادہ سے زیادہ درجہ حرارت تقریباً 38 ڈگری سیلسیس رہنے کا امکان ہے۔ ماہرینِ موسمیات کے مطابق دہلی کے آس پاس بننے والا چکرواتی نظام موسم میں اس اچانک تبدیلی کی بڑی وجہ ہے۔
دہلی کی ہوا کا معیار 'خراب' زمرے میں ریکارڈ کیا گیا، جہاں ایئر کوالٹی انڈیکس 245 رہا۔
سنٹرل پولیوشن کنٹرول بورڈ کے مطابق، 0-50 اے کیو آئی کو "اچھا"، 51-100 "اطمینان بخش"، 101-200 "درمیانہ"، 201-300 "خراب"، 301-400 "انتہائی خراب" اور 401-500 "سنگین" سمجھا جاتا ہے۔
