نئی دہلی/ آواز دی وائس

ایشیا کپ 2025 میں ہندوستانی ٹیم کا بہترین مظاہرہ مسلسل جاری ہے۔ خیال کیا جا رہا ہے کہ ایشیا کپ کا فائنل میچ ہندوستان اور پاکستان کی ٹیم کے درمیان ہو سکتا ہے۔ یہ بات قابل ذکر ہے کہ ہندوستان کے کھلاڑیوں نے پاکستان کے خلاف کھیلے گئے دونوں مقابلوں میں پڑوسی ملک کے کھلاڑیوں سے ہاتھ نہیں ملایا، جو کافی زیرِ بحث موضوع بن گیا ہے۔ اب کانگریس ممبرششی تھرور نے اس پورے معاملے پر اپنی رائے دی ہے اور کہا ہے کہ کھیل کی روح کے مطابق کھیلنا چاہیے اور ہمیں ان سے ہاتھ ملانا چاہیے تھا۔

ششی تھرور نے کیا کہا؟

کانگریس رکن ششی تھرور نے ایشیا کپ کے دوران ہندوستانی کرکٹرز کے پاکستانی کھلاڑیوں سے ہاتھ نہ ملانے اور پاکستانی کھلاڑیوں کے میدان میں کیے گئے اشاروں کے حوالے سے ایک انٹرویو میں کہا کہ  مجھے ذاتی طور پر لگتا ہے کہ ایک بار کھیلنے کا فیصلہ ہو جانے کے بعد، اگر ہم پاکستان کے بارے میں اتنی ہی سختی سے سوچ رہے ہیں، تو ہمیں کھیلنا ہی نہیں چاہیے تھا۔ لیکن اگر ہم ان کے ساتھ کھیلنے جا رہے ہیں، تو ہمیں کھیل کی روح کے مطابق کھیلنا چاہیے اور ہمیں ان سے ہاتھ ملانا چاہیے تھا۔

کارگل جنگ کے دوران بھی ایسا ہوا : ششی تھرور

تھرور نے کہا کہ ہم نے 1999 میں بھی ایسا کیا تھا، جب کارگل جنگ جاری تھی۔ جس دن ہمارے فوجی ہمارے ملک کے لیے جان دے رہے تھے، ہم انگلینڈ میں پاکستان کے خلاف ورلڈ کپ کھیل رہے تھے۔ ہم تب بھی ان سے ہاتھ ملا رہے تھے کیونکہ کھیل کی روح ممالک کے درمیان یا فوجوں کے درمیان ہونے والے جذبات سے مختلف ہوتی ہے۔ یہ میرا خیال ہے۔ اگر پاکستانی ٹیم، پہلی بار توہین کے بعد، دوسری بار ہمیں توہین کرنے کا فیصلہ کرتی ہے، تو یہ دونوں طرف کھیل کی روح کی کمی کو ظاہر کرتا ہے۔

کھیل کی روح کی کمی: ششی تھرور

تھرور نے کہا کہ پاکستان کے خلاف جذبات فطری ہیں، لیکن کھیل کی روح کو سیاست اور عسکری تنازعات سے الگ رکھنا چاہیے۔ کانگریس رہنما نے مزید کہا کہ دونوں فریقین کی ردِعمل میں کھیل کی روح کی کمی واضح طور پر دیکھی جا سکتی ہے۔

قابل ذکر ہے کہ جمعرات کو بی سی سی آئی نے 21 ستمبر کو ایشیا کپ کے سپر 4 میچ کے دوران نامناسب رویے کے لیے پاکستانی کرکٹر صاحبزادہ فرحان اور ہارس رؤف کے خلاف سرکاری شکایت درج کرائی۔ ایشیا کپ 2025 میں ہندوستان نے پاکستان کو دو میچوں میں شکست دی ہے۔ ہندوستان ایشیا کپ کے فائنل میں پہنچ گیا ہے اور امکان ظاہر کیا جا رہا ہے کہ اتوار کو فائنل میں ہندوستان اور پاکستان کا مقابلہ ہو سکتا ہے۔