نئی دہلی/ آواز دی وائس
جمعہ کو ایئرلائن نے 1000 پروازیں اور آج 452 پروازیں منسوخ کی ہیں۔ انڈیگو کے اس رویّے پر اب ہوابازی وزارت سخت ہو گئی ہے۔ خاص طور پر وزارت نے انڈیگو کو کل (7 دسمبر 2025) شام 8 بجے تک تمام زیر التوا ریفنڈ مکمل کرنے کا سخت حکم دیا ہے۔
وزارت نے صاف کہا ہے کہ اگر ایئرلائن مقررہ وقت تک تمام مسافروں کے ریفنڈ نہیں دیتی تو اس پر مزید جانچ اور سخت کارروائی کی جا سکتی ہے۔ اس کے علاوہ وزارت نے 24×7 ہیلپ لائن قائم کی ہے اور انڈیگو کو حکم دیا ہے کہ وہ متاثرہ مسافروں کے لیے ہوٹل، کھانا اور متبادل ٹرانسپورٹ کا انتظام کرے۔
ایئرپورٹ پر پڑے سامان کی بھی ایئرلائن کرے گی ڈلیوری
ایئرپورٹس پر پڑے مسافروں کے سامان کو لے کر بھی وزارت نے سخت ہدایات دی ہیں۔
وزارت نے کہا ہے کہ تمام سامان 48 گھنٹوں کے اندر مسافروں کے گھر یا منتخب پتے تک پہنچایا جائے۔ اس کے ساتھ یہ بھی ہدایت دی گئی ہے کہ ایئرلائن کو خود مسافروں سے فون پر رابطہ کر کے سامان کی ڈلیوری یقینی بنانی ہوگی۔
وزارت کے ان احکامات سے ان مسافروں کو بڑی راحت ملنے کی امید ہے جو پروازیں منسوخ ہونے کے بعد اپنے پیسے واپس لینے کی کوشش میں تھے۔ اسی کے ساتھ ایئرلائن کو ایئرپورٹ پر پھنسے لوگوں کے کھانے اور رہائش کا بھی مکمل بندوبست کرنا ہوگا۔
آج بھی سیکڑوں پروازیں منسوخ
مسلسل پانچویں دن بھی انڈیگو کی بڑی تعداد میں پروازیں منسوخ ہوئیں۔ دہلی سے 86 پروازیں آج منسوخ کی گئیں، جن میں 37 روانہ ہونے والی اور 49 آنے والی شامل ہیں۔ ممبئی ایئرپورٹ سے انڈیگو کی 109 پروازیں آج منسوخ ہوئیں، جن میں 51 آمد اور 58 روانگی شامل ہیں۔ احمد آباد میں انڈیگو کی 19 پروازیں منسوخ ہوئیں (7 آنے والی، 12 جانے والی)۔
ترووننت پورم میں انڈیگو کی 6 پروازیں بھی منسوخ کی گئیں۔
