آواز دی وائس، نئی دہلی

مرکزی حکومت نے ڈیوٹی کے دوران ملازم کی موت سے متعلق ایک اصول میں ایک بڑی تبدیلی کی ہے۔ یہ تبدیلی متوفی ملازم کے لواحقین کے لیے بہت اہم ہے۔ نئے قوانین کے مطابق ملازم کو ڈیوٹی پر موت کے بعد ملنے والا معاوضہ اس خاندان کے ممبر کو ادا کیا جائے گا جسے نامزد کیا گیا ہے۔

اس کا مطلب ہے کہ نامزد شخص معاوضے کا حقدار ہوگا۔ اب تک اس معاملے میں نامزد کرنے کی کوئی مجبوری نہیں تھی۔ اگر نامزد نہیں کیا گیا تو کیا ہوگا: اگر مرکزی ملازم نے نامزد نہیں کیا ہے ، تو معاوضہ کی رقم خاندان کے تمام افراد میں برابر تقسیم ہوگی۔

خیال رہے کہ سرکاری ملازم پنشن ، پی ایف یا گریچیوٹی میں نامزد کرتے ہیں۔ تاہم ، ڈیوٹی کے دوران موت کی صورت میں موصول ہونے والے معاوضے کے لیے نامزد نہیں کیا جاتا۔

اب حکومت نے ایک سرکلر جاری کیا ہے اور اس سلسلے میں ہدایات دی ہیں۔

اب معاوضے کے حوالے سے بھی ملازمین نامزد کر سکتے ہیں۔ اس کے ذریعے یہ طے کیا جائے گا کہ اگر ملازم ڈیوٹی کے دوران فوت ہو جائے تو خاندان کے کس رکن کو معاوضہ کی رقم دی جائے۔

ساتویں پے کمیشن سرکلر میں یہ بھی کہا گیا ہے کہ اس معاملے میں صرف خاندان کے فرد کو ہی نامزد کیا جائے گا۔ کسی بیرونی شخص کو معاوضہ کی رقم کے لیے نامزد نہیں کیا جا سکتا۔

اس کے ساتھ ہی حکومت نے معاوضے کی ادائیگی کے حوالے سے نامزدگی کو شامل کرنے کے لیے CCS (پنشن) رولز ، 1972 سے منسلک فارم کے فارمیٹ میں بھی ترمیم کی ہے۔