سری نگر: فوج نے جموں و کشمیر کے ضلع کپواڑہ میں ایک دہشت گرد ٹھکانے کا پردہ فاش کرتے ہوئے بڑی مقدار میں اسلحہ اور گولہ بارود برآمد کیا ہے۔ حکام نے منگل کے روز یہ جانکاری دی۔
حکام کے مطابق، مصدقہ خفیہ اطلاع کی بنیاد پر پیر کے روز کیرن سیکٹر کے عمومی علاقے میں فوج نے تلاشی مہم شروع کی۔ تلاشی کارروائی کے دوران سیکورٹی فورسز نے دہشت گردوں کا ایک ٹھکانہ تباہ کر دیا اور وہاں سے پانچ اے کے سیریز رائفلیں، اے کے کے نو میگزین، ایک ہینڈ گرینیڈ، بھاری مقدار میں گولہ بارود اور جنگی استعمال کا دیگر سامان برآمد کیا۔
