چنئی: تمل ناڈو کی چیف الیکٹورل آفیسر ارچنا پٹنایک نے پیر کے روز یہاں حتمی ووٹر فہرست جاری کر دی۔ فہرست کے مطابق مختلف زمروں کے تحت 97.37 لاکھ ووٹروں کے نام حذف کر دیے گئے ہیں۔

انہوں نے بتایا کہ ریاست میں اب کل ووٹروں کی تعداد 5.67 کروڑ رہ گئی ہے۔ پٹنایک نے پریس کانفرنس میں کہا کہ ووٹر فہرست کے خصوصی جامع نظرِ ثانی (SIR) سے قبل ریاست میں ووٹروں کی تعداد 6.41 کروڑ تھی۔ نئی فہرست میں 18 سے 19 سال کی عمر کے 7.40 لاکھ نئے ووٹروں کو شامل کیا گیا ہے،

جبکہ مختلف زمروں کے تحت مجموعی طور پر 97.37 لاکھ ووٹروں کے نام خارج کیے گئے ہیں۔ پٹنایک نے مزید کہا کہ مسلسل اپڈیٹ کرنے کا عمل فوری طور پر شروع کیا جائے گا۔