آواز دی وائس، نئی دہلی

 سپریم کورٹ میں طلاق حسن کے خلاف مسلم خاتون کی درخواست کی سماعت ہوئی۔ سپریم کورٹ نے زبانی ریمارکس دیتے ہوئے کہا کہ پہلی نظر میں طلاق حسن اتنا غیر منصفانہ نہیں لگتا۔اس میں خواتین کے پاس بھی خلع کا آپشن موجود ہیں۔ ہم نہیں چاہتےکہ یہ کسی اور وجہ سے ایجنڈا بن جائے۔عدالت نے درخواست گزار خاتون سے کہا کہ وہ بتائیں کہ وہ رضامندی سے طلاق کے لیے تیار ہیں یا نہیں۔ ہم اس معاملے کو لے کر ہائی کورٹ گئے یا نہیں، کیا اس طرح کے مزید کیسز زیر التوا ہیں؟ اب اگلی سماعت 29 اگست2022 کو ہوگی۔

سماعت کے دوران جسٹس ایس کے کول نے کہا کہ پہلی نظر میں یہ اتنا غیر منصفانہ نہیں لگتا۔ خواتین کے پاس بھی خلع کا اختیار موجود ہے۔  پہلی نظر میں میں درخواست گزاروں سے متفق نہیں ہوں۔ ہم دیکھیں گے، میں نہیں چاہتا کہ یہ کسی اور وجہ سے ایجنڈا بن جائے۔ دوسری جانب درخواست گزار پنکی آنند نے کہا کہ خاتون کا 18.5 ماہ کا بیٹا ہے۔ سپریم کورٹ درخواست کی سماعت کرے۔ طلاق ثلاثہ کے معاملے میں کچھ سوالات کو چھوڑ دیا گیا تھا۔

اہم بات یہ ہے کہ سپریم کورٹ نے طلاق حسن کے خلاف ایک مسلم خاتون کی درخواست پر سماعت کی۔ عرضی میں صنفی غیر جانبدار مذہب، طلاق کے لیے مساوی بنیادوں اور سب کے لیے طلاق کے لیے یکساں طریقہ کار کے لیے رہنما خطوط وضع کرنے کے لیے مرکز کو ہدایت دینے کی مانگ کی گئی ہے۔ یہ درخواست غازی آباد کی صحافی بے نظیر حنا نے دائر کی تھی۔ اس نے درخواست میں الزام لگایا ہے کہ اس کا شوہر اور شوہر کے اہل خانہ اسے جہیز کے لیے تشدد کا نشانہ بناتے تھے، جب اس نے انکار کیا تو اس نے وکیل کے ذریعے یکطرفہ طور پر اسے طلاق حسن دے دیا۔

درخواست گزار بے نظیر کی جانب سے پنکی آنند نے کہا تھا کہ متاثرہ کا  8.5 سال کا بیٹا ہے۔ پہلا نوٹس 20 اپریل کو موصول ہوا۔ اس سے قبل سپریم کورٹ نے جلد سماعت سے انکار کر دیا تھا۔ عدالت نے کہا تھا کہ درخواست گزار آئندہ ہفتے سماعت کے لیے ذکر کرے۔ مسلم خاتون کی جانب سے پنکی آنند نے سپریم کورٹ کو بتایا کہ 19 اپریل کو شوہر نے انہیں طلاق حسن کے تحت پہلا نوٹس جاری کیا۔ اس کے بعد 20 مئی کو دوسرا نوٹس جاری کیا گیا۔ اگر عدالت مداخلت نہیں کرتی ہے تو 20 جون تک طلاق کی کارروائی مکمل ہو جائے گی۔

لیکن جسٹس ڈی وائی چندر چوڑ نے کہا تھا کہ پہلا نوٹس 19 اپریل کو جاری کیا گیا تھا، لیکن آپ نے دوسرے نوٹس تک انتظار کیا۔ عدالت کھلنے کے بعد اس معاملے کی سماعت کرے گی۔ خاتون کی طلاق کو چیلنج کرنے والی درخواست پر فوری سماعت کی ضرورت نہیں ہے۔ جج نے یہ بھی پوچھا تھا کہ اس معاملے میں پی آئی ایل کیوں داخل کی گئی، حالانکہ عرضی گزار کی استدعا کے بعد عدالت نے کہا کہ وہ اگلے ہفتے اس کا ذکر کریں۔

بے نظیر حنا نے طلاق حسن کو یکطرفہ، صوابدیدی اور برابری کے حق کے خلاف قرار دیتے ہوئے درخواست دائر کی ہے۔ درخواست گزار کے مطابق یہ روایت اسلام کے بنیادی اصول میں شامل نہیں ہے۔ درخواست گزار نے عدالت سے استدعا کی کہ اس کے سسرال والوں نے اسے شادی کے بعد جہیز کے لیے ہراساں کیا، جہیز کا بڑھتا ہوا مطالبہ پورا نہ کرنے پر اسے طلاق دے دی۔ یہ رواج ستی کی طرح ایک سماجی برائی ہے۔ عدالتیں اسے ختم کرنے کے لیے اسے غیر قانونی قرار دیتی ہیں، کیونکہ ہزاروں مسلمان خواتین اس برائی کی وجہ سے شکار ہوتی ہیں۔