نئی دہلی/ آواز دی وائس

سپریم کورٹ نے پابندی یافتہ تنظیم پاپولر فرنٹ آف انڈیا کے رہنما اے ایس اسماعیل کو طبی بنیاد پر ضمانت دینے سے انکار کر دیا ہے۔ اسماعیل کے خلاف غیر قانونی سرگرمیوں کی روک تھام ایکٹ 1967 کے تحت مقدمہ درج ہے۔ جسٹس کے وی وشوناتھن اور جسٹس نونگمئی کاپم کوٹیشور سنگھ کی بنچ نے اس بات کی جانچ کے لیے نوٹس جاری کیا کہ آیا اسماعیل کو فزیو تھراپی کی سہولیات دی جا سکتی ہیں۔ اسماعیل اس وقت دہلی کی تہاڑ جیل نمبر 1 میں قید ہے۔

اسماعیل کو اکتوبر 2024 میں فالج کا حملہ ہوا تھا، جس کے بعد اس کا مختلف اسپتالوں میں علاج ہوا۔ میڈیکل بورڈ کے مطابق، اسماعیل کو مسلسل فزیو تھراپی اور بلڈ پریشر کی نگرانی کی ضرورت ہے۔

جیل افسر کے رویے پر ناراض ہوا سپریم کورٹ

سماعت کے دوران عدالت نے یہ نوٹ کیا کہ اسماعیل کی حالت فی الحال کسی ہنگامی طبی صورتحال کی متقاضی نہیں ہے، لیکن اسماعیل کے وکیل نے دعویٰ کیا کہ ان کے مؤکل کو جیل میں فزیو تھراپی کی سہولت نہیں دی جا رہی۔

اسماعیل پر کیا الزامات ہیں؟

این آئی اے نے اسماعیل پر الزام لگایا ہے کہ وہ ہندوستانی حکومت اور کچھ تنظیموں کے ممبروں کے خلاف مسلم نوجوانوں کو انتہا پسند بنانے کی سازش میں ملوث تھا۔ ایجنسی کا یہ بھی کہنا ہے کہ اسماعیل ملک کی یکجہتی اور سالمیت کو نقصان پہنچانا چاہتا تھا۔ اسماعیل کو 22 ستمبر 2022 کو گرفتار کیا گیا تھا اور اسی دن اس کے خلاف مقدمہ درج کیا گیا۔ اس سے قبل دہلی ہائی کورٹ نے بھی اسماعیل کی اس عرضی کو خارج کر دیا تھا جس میں اس نے ٹرائل کورٹ کے اس فیصلے کو چیلنج کیا تھا جس میں طبی بنیاد پر اسے عبوری ضمانت دینے سے انکار کیا گیا تھا۔ ہائی کورٹ نے جیل حکام کو ہدایت دی تھی کہ وہ ڈاکٹروں کے مشورے کے مطابق اسماعیل کا علاج کریں اور ہر مہینے میں ایک بار اسے ایمس لے جایا جائے۔

وزارت داخلہ نے پی ایف آئی پر لگایا تھا پابندی

قابل ذکر ہے کہ ہندوستان کی وزارت داخلہ نے ستمبر 2022 میں پی ایف آئی اور اس سے منسلک تنظیموں پر پانچ سال کے لیے پابندی عائد کر دی تھی۔ تحقیقاتی ایجنسی نے انکشاف کیا تھا کہ ان تنظیموں کے عالمی دہشت گرد تنظیموں سے روابط ہیں۔ حکومت نے یو اے پی اے ایکٹ کے تحت ان تمام تنظیموں کو غیر قانونی قرار دیا تھا۔