کولکتہ/ آواز دی وائس
مغربی بنگال میں جمعہ کی صبح زلزلے کے تیز جھٹکے محسوس کیے گئے، جن کی شدت 5.6 ریکارڈ کی گئی۔ زلزلے کا مرکز بنگلہ دیش کے ٹونگی میں تھا، لیکن جھٹکے کولکتہ تک محسوس ہوئے۔ صبح 10 بج کر 10 منٹ پر دھچکے لگے جس کے بعد لوگ خوفزدہ ہو کر گھروں سے باہر نکل آئے۔ فی الحال کسی نقصان کی اطلاع نہیں ہے، لیکن چونکہ شدت کچھ زیادہ تھی اس لیے لوگوں میں گھبراہٹ دیکھی گئی۔
یورپین–میڈیٹیری نیئن سیسمولوجی سینٹر کے مطابق زلزلے کا ایپی سینٹر بنگلہ دیش کے ٹونگی سے تقریباً 27 کلومیٹر مشرق میں تھا۔ اس کی گہرائی تقریباً 10 کلومیٹر بتائی گئی ہے۔ جھٹکے کولکتہ، آس پاس کے اضلاع اور شمالی بنگال میں بھی محسوس کیے گئے۔ کوچ بہار اور دیناج پور میں بھی تیز جھٹکے درج کیے گئے۔
زلزلے سے نمٹنے کے لیے کون سے قدم اٹھائے گئے؟
اب ہندوستان کی تمام حکومتوں کو یہ احساس ہے کہ ملک میں کبھی بھی ایک شدید زلزلہ آ سکتا ہے۔ اسی لیے متعدد اقدامات کیے گئے ہیں۔ 2014 تک ہندوستان میں صرف 80 سیسمک آبزرویٹریز تھیں، لیکن 2025 تک یہ تعداد بڑھ کر 168 ہو گئی ہے۔ پورے ملک میں ارتھکیوک ارلی وارننگ سسٹم شروع کرنے کی تیاری ہے۔
ایک طرف ٹیکنالوجی کی مدد سے زلزلے کے خطرات کم کرنے کی کوشش کی جا رہی ہے،
وہیں عوام کو بیدار کرنا بھی ضروری ہے۔ اسی لیے این ڈی ایم اے نے مارچ 2025 میں "آپدا کا سامنا" کے نام سے ایک بیداری مہم شروع کی۔ اسی طرح سال 2016 میں وزیرِ اعظم نریندر مودی نے بھی زلزلوں کی سنگینی کو سمجھتے ہوئے 10 نکاتی ایجنڈا تیار کیا تھا،
جسے 2047 تک ترقی یافتہ ہندوستان بنانے کے لیے ضروری منشور سمجھا گیا۔ اس میں ارلی وارننگ سسٹم سے لے کر انشورنس پالیسیوں میں بڑے اصلاحات تک شامل تھے۔
.webp "مغربی بنگال میں زلزلے کے شدید جھٹکے")
