نئی دہلی
ہفتے کے آخری کاروباری دن یعنی جمعہ، 27 فروری کو ہندوستانی شیئر بازار کا آغاز گراوٹ کے ساتھ ہوا۔ شیئر بازار کے دونوں بڑے اشاریے بی ایس ای سینسیکس اور این ایس ای نفٹی سرخ نشان میں کھلے۔ سینسیکس 364.62 پوائنٹس کی گراوٹ کے ساتھ 81,883.99 پر آ گیا، جبکہ نفٹی 117.15 پوائنٹس گھٹ کر 25,379.40 پر پہنچ گیا۔
سینسیکس میں شامل کمپنیوں کی صورتحال
سینسیکس میں ماروتی، بھارتی ایئرٹیل، ہندوستان یونی لیور، مہندرا اینڈ مہندرا، کوٹک مہندرا بینک اور الٹراٹیک سیمنٹ سب سے زیادہ نقصان اٹھانے والے شیئرز میں شامل رہے۔ جبکہ انفوسس، ٹیک مہندرا، ایچ سی ایل ٹیک اور ایٹرنل فائدے میں رہے۔
ایکسچینج کے اعداد و شمار کے مطابق، جمعرات کو غیر ملکی ادارہ جاتی سرمایہ کاروں نے 3,465.99 کروڑ روپے کے شیئر فروخت کیے۔ تاہم، گھریلو ادارہ جاتی سرمایہ کاروں نے 5,031.57 کروڑ روپے کے شیئر خریدے۔
ایشیا کی منڈیوں کا حال
ایشیا کی منڈیوں میں جنوبی کوریا کا کوسپی، جاپان کا نِکّی 225 اور شنگھائی کا ایس ایس ای کمپوزٹ انڈیکس نیچے رہا، جبکہ ہانگ کانگ کا ہینگ سینگ انڈیکس مثبت زون میں ٹریڈ کرتا دکھائی دیا۔ جمعرات کو امریکی مارکیٹ زیادہ تر گراوٹ کے ساتھ بند ہوئی۔
آن لائن ٹریڈنگ اور ویلتھ ٹیک فرم اینرچ منی کے سی ای او پون مودی آر نے کہا كہ ایران کے حوالے سے امریکہ کے آئندہ اقدامات پر بڑھتی غیر یقینی صورتحال اور نئے گھریلو محرکات کی کمی کے باعث سرمایہ کاروں کی شمولیت محتاط اور منتخب رہنے کا امکان ہے۔عالمی تیل کے معیار برینٹ کروڈ میں 0.07 فیصد کی کمی آئی اور یہ 70.70 امریکی ڈالر فی بیرل پر آ گیا۔
جمعرات کو شیئر بازار تقریباً مستحکم بند ہوا تھا
جمعرات کو بی ایس ای کا 30 شیئرز والا سینسیکس 27.46 پوائنٹس کی معمولی گراوٹ کے ساتھ 82,248.61 پر بند ہوا تھا، جبکہ این ایس ای کا نفٹی 14.05 پوائنٹس کی ہلکی بڑھت کے ساتھ 25,496.55 پر بند ہوا تھا۔
سینسیکس کی کمپنیوں میں ایچ ڈی ایف سی بینک، پاور گرڈ، ایشین پینٹس، الٹراٹیک سیمنٹ، این ٹی پی سی اور ایکسس بینک کے شیئرز میں نمایاں گراوٹ رہی۔ دوسری جانب بھارت الیکٹرانکس، سن فارما، اڈانی پورٹس، ماروتی اور بھارتی ایئرٹیل کے شیئرز میں تیزی دیکھی گئی۔
.gif)
