نئی دہلی/ آواز دی وائس
شیئر بازار میں آج 3 اگست 2025 (بدھ) توقعات کے مطابق سبز نشان کے ساتھ شروعات ہوئی۔ دونوں بڑے اشاریے بی ایس ای سینسیکس اور این ایس ای نفٹی ابتدائی کاروبار میں مثبت نظر آئے۔ بی ایس ای سینسیکس ابتدائی کاروبار میں 153.28 پوائنٹس کی کمی کے ساتھ 80,004.60 پوائنٹس پر اور این ایس ای نفٹی 46.4 پوائنٹس پھسل کر 24,533.20 پوائنٹس پر آ گیا۔
عالمی بازاروں کے کمزور رجحانات اور غیر ملکی سرمایہ کی مسلسل نکاسی کے بیچ بدھ کے روز سینسیکس اور نفٹی میں ابتدائی کاروبار میں گراوٹ درج کی گئی۔ جی ایس ٹی کونسل کی آج سے شروع ہونے والی میٹنگ سے قبل شیئر بازار میں بھی احتیاط کا ماحول رہا۔ یہ دو روزہ میٹنگ نئی دہلی میں مجوزہ شرحوں میں کٹوتی پر غور کے لیے ہو رہی ہے۔
سینسیکس میں شامل 30 کمپنیوں میں انفوسس، بجاج فنانس، ہندستان یونی لیور، بھارتی ایئرٹیل، آئی سی آئی سی آئی بینک اور ٹرینٹ کے شیئر گراوٹ میں رہے۔ وہیں ٹاٹا اسٹیل، بھارت الیکٹرانکس، ایٹرنل، آئی ٹی سی اور مہندرا اینڈ مہندرا کے شیئر میں تیزی دیکھی گئی۔
ایشیائی بازاروں میں جنوبی کوریا کا کوسپی فائدے میں رہا جبکہ جاپان کا نکئی 225، چین کا شنگھائی ایس ایس ای کمپوزٹ اور ہانگ کانگ کا ہینگ سینگ نقصان میں رہے۔ امریکی بازار منگل کو منفی رجحان کے ساتھ بند ہوئے تھے۔ بین الاقوامی معیار برینٹ کروڈ 0.39 فیصد کی کمی کے ساتھ 68.87 ڈالر فی بیرل پر رہا۔
شیئر بازار کے اعداد و شمار کے مطابق، غیر ملکی ادارہ جاتی سرمایہ کار منگل کو بیچوال رہے تھے اور انہوں نے خالص طور پر 1,159.48 کروڑ روپے کے شیئر بیچے۔
