بوکارو/ آواز دی وائس
جھارکھنڈ کے بوکارو ضلع میں پولیس اہلکاروں پر حملے میں ملوث ہونے کے الزام میں چھ افراد کو گرفتار کیا گیا ہے۔ ایک سینئر افسر نے ہفتے کے روز یہ اطلاع دی۔
یہ واقعہ جمعہ کو زمین کے تنازعے پر دو گروپوں کے درمیان جھڑپ کے دوران پیش آیا۔
افسر کے مطابق، چاس مضافات تھانہ علاقے کے کالا پتھر گاؤں میں دو گروپوں کے درمیان کافی عرصے سے جاری زمین کے جھگڑے کو لے کر جمعہ کو جھڑپ ہوئی تھی۔ افسر نے بتایا کہ صورتحال کو قابو میں کرنے کے لیے موقع پر پہنچی پولیس ٹیم پر بھی حملہ کیا گیا۔
بوکارو چاس کے سب ڈویژنل پولیس افسر (ایس ڈی پی او) پروین سنگھ نے کہا کہ کافی عرصے سے چلے آ رہے زمین کے تنازعے کو لے کر دو گروپوں کے درمیان جھگڑا ہوا، دونوں فریق زمین پر اپنا اپنا دعویٰ کر رہے تھے۔ معاملہ عدالت میں زیرِ غور ہے۔ جب پولیس اہلکار موقع پر پہنچے تو دونوں گروپوں نے ان پر حملہ کر دیا۔
انہوں نے بتایا کہ اس دوران سب انسپکٹر مقصود عالم کی وردی پھاڑ دی گئی اور ان پر لاٹھی سے وار کیا گیا جس سے ان کے سر پر چوٹ آئی۔
ایس ڈی پی او نے کہا کہ پولیس اہلکاروں پر حملے کی تفتیش شروع کر دی گئی ہے اور چھ افراد کو گرفتار کیا گیا ہے۔
.webp "جھارکھنڈ : پولیس پر حملہ کرنے کے الزام میں 6 گرفتار")
