آواز دی وائس، نئی دہلی

  کورونا وائرس کی وبا اور لاک ڈاون کے بعد اب دوبارہ دہلی کے اسکول و کالجز میں بچوں کی چہل قدمی سنائی دینے والی ہے۔ دہلی حکومت نےآئندہ ماہ یکم نومبر2021 سے اسکول و کالجز کو دوبارہ کھولنے کی اجازت دی ہے۔

دہلی کے نائب وزیراعلیٰ و وزیرتعلیم منیش سسودیا نے27 اکتوبر2021 کو کہا کہ دہلی ڈیزاسٹر مینجمنٹ اتھارٹی نے کووڈ کے سخت پروٹوکول کے درمیان شہر میں یکم نومبر سے تمام تعلیمی اداروں کو دوبارہ کھولنے اور چھٹھ پوجا منانے کی اجازت دے دی ہے۔

انہوں نے کہا کہ اسکولوں کو اس بات کو یقینی بنانا ہوگا کہ کلاسزہائبرڈ موڈ(hybrid mode) میں چلائی جائیں جس کا مطلب ہے کہ آن لائن کلاسز بھی جاری رہیں گی۔

سیسوڈیا نے ڈی ڈی ایم اے کی میٹنگ کے بعد ایک پریس کانفرنس میں کہا کہ تمام نجی اور سرکاری اسکول یکم نومبر سے دوبارہ کھولے جاسکتے ہیں۔ تاہم والدین کو اپنے بچوں کو اسکول بھیجنے کے لیے مجبور نہیں کیا جاسکتا۔

All the schools and educational institutes shall be allowed to be opened, for all the classes, in Delhi from 1st Nov.

However, schools shall also continue online classes for the students who are not willing to attend classes offline.

— Manish Sisodia (@msisodia) October 27, 2021

وزیرتعلیم نے کہا کہ ایک کلاس میں 50 فیصد سے زیادہ طلباء کو اسکول بلایا جانا چاہئے اور نیز اسکول کے تمام عملے کو جلد از جلد مکمل ویکسینیشن کرنے کی بھی ضرورت ہے۔

انہوں نے کہا کہ لوگوں سے درخواست کی جاتی ہے کہ وہ تمام کوویڈ پروٹوکول پرعمل کریں اورماسک پہنیں۔ دہلی میں اگرچہ کوویڈ-19 کی صورتحال قابو میں ہےتاہم احتیاط برتنے کی ضرورت ہے۔