سڑکوں پر نماز اور سماجی ہم آہنگی

سڑکوں پر نماز کے معاملے پر مفتی شمون قاسمی نے کہا کہ اگر کسی مسجد میں جگہ کم ہو تو مختلف اوقات میں متعدد جماعتیں قائم کی جا سکتی ہیں، اس لیے عوامی سڑکوں پر نماز ادا کرنے کی ضرورت نہیں ہونی چاہیے۔ ان کا کہنا تھا کہ اسلام امن، محبت، رواداری اور قانون کی پاسداری کی تعلیم دیتا ہے۔انہوں نے مسلمانوں سے اپیل کی کہ وہ دوسرے مذاہب کے لوگوں کے ساتھ فاصلے کم کریں، تعلیم پر توجہ دیں اور معاشرے میں باہمی اعتماد اور ہم آہنگی کو فروغ دیں۔انٹرویو کے دوران مفتی شمون قاسمی نے مختلف مذہبی، سماجی اور سیاسی موضوعات پر اپنی آرا کا اظہار کیا، تاہم ان کے خیالات ان کی ذاتی رائے ہیں اور ان پر مختلف حلقوں کی آرا مختلف ہو سکتی ہیں۔