آواز دی وائس

ایک طرف ممبئی میں بارش کی وجہ سے لوگوں کو پریشانی کا سامنا ہے۔ وہیں دہلی-این سی آر میں گرمی سے لوگ پریشان ہو گئے ہیں۔ ملک کے مختلف مقامات پر موسلادھار بارش نے تباہی مچا دی ہے، جس میں صرف یوپی میں اب تک 15 لوگوں کی موت ہو چکی ہے۔

آپ کو بتاتے چلیں کہ ممبئی میں موسلادھار بارش سے لوگ پریشان ہیں۔ ایک ہی دن میں ممبئی میں اتنی بارش ہوئی جتنی دہلی میں ایک مہینے میں ہوتی ہے۔ سڑکیں ہوں یا ریلوے ٹریک، سب کچھ ڈوبا ہوا ہے۔ ممبئی کی سڑکیں ندی بن گئی ہیں۔ لوگ ہر جگہ پھنس گئے ہیں۔ موسلا دھار بارش سے ٹرینوں کی آمدورفت بھی متاثر ہو رہی ہے۔ آئی ایم ڈی نے آج بھی ممبئی کے لیے ریڈ الرٹ جاری کر دیا ہے۔ 

ان ریاستوں میں شدید بارش ہوگی۔

غور طلب ہے کہ موسم کی معلومات دینے والی ویب سائٹ اسکائی میٹ کے مطابق آج اتر پردیش، مغربی بنگال، اتراکھنڈ، بہار، ممبئی، مدھیہ پردیش، تلنگانہ، سکم، گوا، کیرالہ، اوڈیشہ، راجستھان، جھارکھنڈ، گجرات میں بارش ہو سکتی ہے۔ ملک کے بعض علاقوں میں موسلادھار بارش جبکہ بعض علاقوں میں ہلکی سے درمیانی بارش ہوسکتی ہے۔ ہریانہ، پنجاب، دہلی-این سی آر، لداخ، کرناٹک اور تمل ناڈو میں بھی موسلادھار بارش ہو سکتی ہے۔ 

دہلی کی ہوا بغیر بارش کے صاف ہے۔

اس وقت دارالحکومت میں ہوا بغیر کسی بارش کے صاف ہو گئی ہے۔ آلودگی کی سطح مسلسل دوسرے دن صرف 56 رہی۔ دارالحکومت میں آنے والی ہواؤں نے آلودگی کو ختم کر دیا ہے۔ گزشتہ دو دنوں سے کوئی آلودگی نہیں ہے۔