لکھنو

اترپردیش کے 16 اضلاع میں سیلاب کے خطرے سے متعلق ہائی الرٹ ہے۔ پہاڑیوں پر بارش کی وجہ سے شاردا ، گھاگرا ، راپتی کی سطح آب میں اضافہ ہوا ہے۔ ریسکیو کی تیاریاں شروع ہوگئی ہیں۔ بہت سے اضلاع میں ، ندی کے کنارے گائوں ہیں ، جہاں لوگ نقل مکانی پر مجبور ہوگئے ہیں اور کچھ خوفزدہ ہیں۔ کیونکہ ، جس طرح ہر دن دریاؤں کی سطح میں اضافہ ہورہا ہے ، اس سے سیلاب کا خطرہ ہے۔

اس کے علاوہ کئی اضلاع میں ندیوں کاپانی گھیتوں میں پھیل گیا ہے۔ حالت یہ ہے کہ گاؤں کے لوگوں کے گھروں تک پانی پہنچ گیا ہے۔ لوگوں کو کشتی کا سہارا لینا پڑرہا ہے۔ کھانے پینے کے اشیاکی کمی ہورہی ہے۔ نیپال سے نکلنے والے دریا ایک بار پھر تباہی پیدا کرنے کے لئے تیار ہیں۔

یوپی کے مہاراج گنج ضلع کے دو درجن دیہات ان دریاؤں کے کنارے آباد ہیں۔ ان گاؤں میں کسی بھی وقت سیلاب آسکتا ہے۔ جیسے ہی نیپال میں بارش ہوتی ہے ، اس نالے کا پٹ ٹوٹ جاتا ہے اور پانی نالے کے کنارے آباد دیہات تک پھیل جاتا ہے۔ اس کی وجہ سے ، اسورائنا ، ڈوگرہ ، خیروا دبی ، بارگڈوا ، دیوگٹی سمیت دیگر کئی دیہات متاثر ہیں۔

سونولی پولیس اسٹیشن کے علاقہ سیمرا گاؤں کی طرف کاٹنے کی وجہ سے دیہاتی خوف زدہ ہیں۔ دریائے روہینی کے کنارے آباد یہ گاؤں خطرے میں ہے۔ گاؤں کے اوم پرکاش ، انیل ، سنیل نے بتایا کہ روہین ندی کئی برسوں سے اس گاؤں کی طرف کاٹ رہی ہے ، اب تک ایک درجن مکانات دریا کی ندی میں ڈوب چکے ہیں۔

جن ندیون کے سطح آب میں اضافہ ہوا ہے ان میں گنگا بھی شامل ہے۔ اترپردیش کے جن اضلاع میں سیلابی کیفیت پیدا ہورہی ہے ان میں مرادآباد، بجنور، گونڈہ، لکھیم پور کھیری بہرائچ سراوستی بلرام پور مہاراج گنج دیوریا کشی نگر سدھارتھ نگر گورکھپور سنت کبیر نگر بلیا، بارہ بنکی سیتا پور مؤشامل ہیں۔