نئی دہلی:لوک سبھا میں قائدِ حزبِ اختلاف راہل گاندھی نے ہفتہ کے روز الزام لگایا کہ ملک میں مینوفیکچرنگ (صنعتی پیداوار) تاریخی طور پر نچلی سطح پر پہنچ چکی ہے اور الیکٹرانک اشیاء صرف اسمبل کی جا رہی ہیں یا درآمد کی جا رہی ہیں۔ انہوں نے یہ دعویٰ بھی کیا کہ وزیر اعظم نریندر مودی نے اس حوالے سے کسی نئے خیال کے بغیر سرینڈرکر دیئےہیں۔

کانگریس کے سابق صدر نے دہلی کے نہرو پلیس میں لیپ ٹاپ اور موبائل کی ایک دکان کا دورہ کیا، جس کی ویڈیو انہوں نے یوٹیوب اور ایکس (سابقہ ٹوئٹر) پر شیئر کی۔ راہل گاندھی نے کہا کہ میک اِن انڈیا نے صنعتی انقلابی وعدہ کیا تھا، تو پھر مینوفیکچرنگ ریکارڈ سطح پر کیوں ہے؟ نوجوانوں کی بے روزگاری تاریخی بلندی پر کیوں ہے؟ اور چین سے درآمدات دوگنی سے زیادہ کیوں ہو چکی ہیں؟

انہوں نے دعویٰ کیا، مودی جی کو صرف نعرے لگانے آتے ہیں، حل پیش کرنا نہیں۔ 2014 سے اب تک، مینوفیکچرنگ سیکٹر کا معیشت میں حصہ گھٹ کر صرف 14 فیصد رہ گیا ہے۔ راہل گاندھی نے کہا،دہلی کے نہرو پلیس میں میری ملاقات شیوَم اور سیف سے ہوئی۔ دونوں ذہین، ہنرمند اور امیدوں سے بھرے نوجوان ہیں، لیکن انہیں اپنی صلاحیتوں کو ثابت کرنے کا موقع نہیں ملا۔ انہوں نے مزید کہا، یہ کڑوا سچ ہے کہ ہم صرف اسمبل کرتے ہیں، درآمد کرتے ہیں، لیکن مینوفیکچر نہیں کرتے۔

اور چین منافع کما رہا ہے۔ راہل گاندھی نے الزام لگایا کہ نئے خیالات کے بغیر، مودی جی نے ہتھیار ڈال دیے ہیں۔ ان کی جس پی ایل آئی (پروڈکشن لنکڈ انسینٹیو) اسکیم کی اتنی تشہیر ہوئی، اب اُسے خاموشی سے واپس لیا جا رہا ہے۔ انہوں نے زور دے کر کہا کہ ہندوستان کو بنیادی تبدیلی کی ضرورت ہے، جو لاکھوں پیداواری افراد کو ایماندار اصلاحات اور مالی تعاون کے ذریعے بااختیار بنائے۔ کانگریس رہنما نے کہا، ہمیں دوسروں کے لیے مارکیٹ بننا بند کرنا ہوگا۔ اگر ہم یہاں پیداوار نہیں کریں گے تو دوسروں سے خریدتے رہیں گے۔ وقت تیزی سے گزر رہا ہے۔