.webp "ریاستی درجہ بحالی پر احتجاج جاری رہے گا: عمر عبداللہ")
نئی دہلی: جموں و کشمیر کے وزیر اعلیٰ عمر عبداللہ نے بدھ کے روز کہا کہ ان کے چچا شیخ مصطفیٰ کمال کے انتقال کے باوجود جموں و کشمیر کو ریاست کا درجہ بحال کرنے میں تاخیر کے خلاف دہلی میں نیشنل کانفرنس کا مجوزہ احتجاج اپنے مقررہ پروگرام کے مطابق جاری رہے گا۔
عمر عبداللہ نے اس سے قبل جموں و کشمیر کو ریاست کا درجہ بحال کرنے میں ہونے والی "غیر ضروری تاخیر" کے خلاف 20 جولائی سے قومی راجدھانی نئی دہلی میں احتجاج کے نئے مرحلے کا اعلان کیا تھا۔ اپنے چچا اور نیشنل کانفرنس کے ایڈیشنل جنرل سیکریٹری شیخ مصطفیٰ کمال کی رہائش گاہ پر تعزیت کے بعد صحافیوں سے گفتگو کرتے ہوئے عمر عبداللہ نے کہا، "اس پروگرام میں کوئی تبدیلی نہیں ہوگی۔"
