نئی دہلی: سپریم کورٹ نے مشہور اداکار سیف علی خان کے آباؤ اجداد اور بھوپال کے آخری حکمران نواب حمید اللہ خان کی جائیداد سے متعلق ایک پرانے تنازع میں مداخلت کی ہے۔ عدالت نے مدھیہ پردیش ہائی کورٹ کے اس حکم پر عبوری روک لگا دی ہے جس میں اس معاملے کو دوبارہ فیصلے کے لیے ٹرائل کورٹ کو واپس بھیجنے کا حکم دیا گیا تھا۔

جسٹس پی ایس نرسمہا اور جسٹس اتل چندورکر کی بنچ نے نواب کے بڑے بھائی کے وارثین، عمر اور راشد علی، کی عرضی پر نوٹس جاری کیا ہے۔ اس عرضی میں مدھیہ پردیش ہائی کورٹ کے 30 جون 2025 کو سنائے گئے فیصلے کو چیلنج کیا گیا تھا۔

ہائی کورٹ نے اپنے فیصلے میں 14 فروری 2000 کو ٹرائل کورٹ کے فیصلے کو منسوخ کر دیا تھا۔ اس فیصلے میں نواب کی بیٹی ساجدہ سلطان اور ان کے بیٹے منصور علی خان (جو اب انتقال کر چکے ہیں) کے ساتھ ساتھ ان کے وارثین  سیف علی خان، سوہا علی خان، صبا سلطان اور شرمیلا ٹیگور کو جائیداد پر خصوصی حق دیا گیا تھا۔ سپریم کورٹ کی اس عبوری روک کے بعد اب یہ معاملہ ایک نئی سمت میں آگے بڑھے گا۔