نئی دہلی:  وزیر اعظم نریندر مودی نے آج عالمی یو م سنسکرت کے موقع پر قوم کو مبارکباد دی سنسکرت کو ’’علم اور اظہار کا لازوال وسیلہ‘‘ قرار دیتے ہوئے وزیر اعظم نے متنوع شعبوں میں اس کے پائیدار اثرو رسوخ کو اجاگر کیا یہ دن شراون پورنیما کے موقع پر منایا جاتا ہے مسٹر مودی نے دنیا بھر کے اسکالروں، طلباء اور پرجوش لوگوں کی لگن کی تعریف کی جو سنسکرت کی تعلیم و تعلم اور اسے مقبول بنانے میں مصروف ہیں

انہوں نے اس بات پر زور دیا کہ گزشتہ ایک دہائی کے دوران حکومت نے سنسکرت سیکھنے اور تحقیق کو مضبوط بنانے کے لیے کئی اقدامات کیے ہیں، ان میں سنسکرت یونیورسٹیوں کا قیام، سنسکرت سیکھنے کے مراکز کھولنا، سنسکرت کے اسکالرز کو گرانٹ دینا اور مخطوطات کی ڈیجیٹلائزیشن کے لیے گیان بھارتم مشن کا آغاز شامل ہیں۔ ایکس پر مختلف پوسٹوں کے توسط سے وزیر اعظم نے لکھا؛’’آج شراون پورنیما پر ہم سنسکرت کا عالمی دن مناتے ہیں۔ سنسکرت علم اور اظہار کا لازوال وسیلہ ہے۔ اس کے اثرات تمام شعبوں میں دیکھے جا سکتے ہیں۔ یہ دن دنیا بھر میں ہر اس شخص کی کوششوں کی تعریف کرنے کا موقع ہے جو سنسکرت سیکھ رہا ہے اور اسے مقبول بنا رہا ہے۔‘‘ ’’پچھلی دہائی کے دوران، ہماری حکومت نے سنسکرت کو مقبول بنانے کے لیے بہت سی کوششیں کی ہیں۔ ان میں مرکزی سنسکرت یونیورسٹیاں، سنسکرت سیکھنے کے مراکز کا قیام، سنسکرت کے اسکالروںکو گرانٹ فراہم کرنا اور مخطوطات کو ڈیجیٹائز کرنے کے لیے گیان بھارتم مشن شامل ہیں۔ اس سے بے شمار طلباء اور محققین کو فائدہ ہوا ہے