نئی دہلی : وزیر اعظم شری نریندر مودی نے مدینہ سعودی عرب میں ہندوستانی شہریوں سے متعلق حادثے میں جانی نقصان پر گہرے دکھ کا اظہار کیا۔انہوں نے اپنی جانیں کھو دینے والوں کے اہل خانہ سے دلی تعزیت کی اور زخمیوں کی جلد صحت یابی کے لیے دعا کی۔وزیر اعظم نے بتایا کہ ہندوستان کا سفارت خانہ ریاض میں اور جدہ میں قونصلیٹ متاثرہ افراد کو ہر ممکن مدد فراہم کر رہے ہیں۔ انہوں نے یہ بھی کہا کہ ہندوستانی حکام سعودی عرب کے حکام کے ساتھ مسلسل رابطے میں ہیں تاکہ ضروری تعاون اور ہم آہنگی کو یقینی بنایا جا سکے۔
Deeply saddened by the accident in Medinah involving Indian nationals. My thoughts are with the families who have lost their loved ones. I pray for the swift recovery of all those injured. Our Embassy in Riyadh and Consulate in Jeddah are providing all possible assistance. Our…
— Narendra Modi (@narendramodi) November 17, 2025
وزیر اعظم نے ایکس پر لکھا۔۔۔ مدینہ کے حادثے میں ہندوستانی شہریوں کے متاثر ہونے کی خبر سے دل بے حد افسردہ ہے۔ میری ہمدردیاں ان خاندانوں کے ساتھ ہیں جنہوں نے اپنے پیارے کھو دیے ہیں۔ زخمیوں کی جلد صحت یابی کے لیے دعا گو ہوں۔ ہمارا سفارت خانہ ریاض میں اور قونصلیٹ جدہ میں ہر ممکن مدد فراہم کر رہے ہیں۔ ہمارے حکام سعودی عرب کے حکام کے ساتھ مسلسل رابطے میں ہیں۔
