آواز دی وائس : نئی دہلی

وزیر اعظم نریندر مودی نے جمعہ کو ملک میں کورونا کی صورتحال اور ویکسینیشن کے حوالے سے ایک اعلیٰ سطحی اجلاس منعقد کیا۔

اجلاس میں کورونا کی تیسری لہر کے خطرے کے پیش نظر وزیر اعظم نے ملک بھر میں آکسیجن کی فراہمی میں تیزی سے اضافہ کرنے کی ہدایت کی۔ انہوں نے ریاستوں سے ادویات کا بفر اسٹاک رکھنے کو بھی کہا۔

تیسری لہر میں بچوں پر اثرات کے امکان کے پیش نظر مودی نے ملک بھر کے ہسپتالوں میں بچوں کے لیے کافی بستر تیار رکھنے کی ہدایت دی۔ انہوں نے ریاستوں سے کہا کہ وہ صحت کے بنیادی ڈھانچے کو نئے سرے سے ڈیزائن کریں۔ اس کے ساتھ ساتھ بلیک فنگس کے علاج کے لیے ادویات بھی تیار رہنے کو کہا گیا۔

ملک کے ہر ضلع میں آکسیجن یونٹ کا ہدف۔ وزیراعظم نے کہا کہ آکسیجن کی سپلائی بڑھانے کے لیے آکسیجن کنسینٹر ، آکسیجن سلنڈر اور پی ایس اے پلانٹس کی تعداد میں تیزی سے اضافہ کیا جانا چاہیے۔ اس وقت ملک بھر میں 961 لیکویڈ میڈیکل سٹوریج ٹینک اور 1450 میڈیکل گیس پائپ لائن سسٹم لگائے جا رہے ہیں۔ ہر ضلع میں کم از کم ایک یونٹ آکسیجن لگانے کا ہدف مقرر کیا گیا ہے۔

ہر بلاک میں ایک ایمبولینس کی فراہمی پر زور وزیراعظم نے ملک بھر میں آکسیجن پلانٹس لگانے کے کام کا بھی جائزہ لیا۔ انہوں نے بتایا کہ اب تک ایک لاکھ آکسیجن کنسینٹر اور 3 لاکھ آکسیجن سلنڈر ریاستوں کو دیے گئے ہیں۔ ایمبولینس کے نیٹ ورک کو بڑھایا جا رہا ہے تاکہ ہر بلاک میں کم از کم ایک ایمبولینس دستیاب ہو۔

Well done Goa! Great effort, powered by a collective spirit and the prowess of our doctors as well as innovators. https://t.co/Kp7tvOwBj6

— Narendra Modi (@narendramodi) September 10, 2021