نئی دہلی: روس کے صدر ولادیمیر پوتن دو روزہ دورے پر ہندوستان پہنچ گئے ہیں۔ ولادیمیر پوتن کا خصوصی طیارہ دہلی کے پالم ایئرپورٹ پر اُترا، جہاں ہندوستان کے وزیرِ اعظم نریندر مودی نے ولادیمیر پوتن کا پرتپاک استقبال کیا۔ وزیراعظم مودی نے پہلے پوتن سے مصافحہ کیا، پھر دونوں رہنماؤں نے ایک دوسرے کو گلے لگایا۔ اس لمحے کی تصویریں بھی سامنے آئی ہیں۔

پوتن کا ایئرپورٹ پر گرمجوشی سے استقبال کیا گیا، جس کے بعد دونوں رہنما ایک ہی گاڑی میں ایئرپورٹ سے روانہ ہوئے۔ وزیراعظم مودی کے دنیا بھر کے رہنماؤں سے اچھے تعلقات ہیں، لیکن جب بات روس کے صدر ولادیمیر پوتن کی آتی ہے تو یہ رشتہ کچھ زیادہ ہی خاص ہو جاتا ہے۔ دونوں رہنماؤں کی دوستی بے مثال ہے۔ جب وزیراعظم مودی روس کے دورے پر گئے تھے تو خود پوتن نے ان کا استقبال کیا تھا۔

اب وزیراعظم مودی بھی ان کو لینے خود ایئرپورٹ پہنچے۔ یہ "ایئرپورٹ ٹو ایئرپورٹ" والا انداز ہندوستان کے لیے روس کی اہمیت ظاہر کرتا ہے۔ روسی صدر دو روزہ دورے پر ہندوستان آئے ہیں۔ وزیراعظم مودی پوتن کے طیارے کے لینڈ ہونے سے چند منٹ پہلے ہی پالم ایئرپورٹ پہنچ گئے تھے۔ طیارے کی لینڈنگ سے قبل تک وزیراعظم اپنی گاڑی میں بیٹھے اپنے دوست کا انتظار کرتے رہے۔

#WATCH | Russian President Vladimir Putin and Prime Minister Narendra Modi share a hug as PM Modi receives President Putin, at the Palam Technical Airport in Delhi

President Putin is on a two-day State visit to India. He will hold the 23rd India-Russia Annual Summit with PM… pic.twitter.com/3Rvfnp1sDD

— ANI (@ANI) December 4, 2025

جیسے ہی طیارہ پالم ایئرپورٹ کے اوپر پہنچا، وزیراعظم مودی اپنی گاڑی سے باہر آئے اور کھڑے ہو کر پوتن کا انتظار کرنے لگے۔ اسی دوران ‘بابا بنارس’ نامی ایک شخص نے دعویٰ کیا کہ صدر پوتن کو بھارتی فضائیہ کے طیاروں نے اسکواٹ کیا۔ یہ دعویٰ درست ہو سکتا ہے، کیونکہ ہر سربراہِ مملکت کے استقبال کے وقت فضائیہ کے لڑاکا طیارے انہیں اسکواٹ کرتے ہیں۔

سخت سیکیورٹی کے درمیان ریڈ کارپٹ پر پوتن آئے تو وزیراعظم مودی کو دیکھتے ہی پہلے مصافحہ کیا اور پھر گلے لگ گئے۔ دونوں طاقتور ممالک کے رہنماؤں کی یہ جگل بندی دنیا میں ہلچل مچانے کے لیے کافی تھی۔ وزیراعظم مودی سے ملاقات کے بعد پوتن نے ہندوستانی حکام سے بھی ملاقات کی۔ اس کے بعد ایئرپورٹ پر ہی موسیقی اور رقص کا ثقافتی پروگرام پیش کیا گیا، جسے دیکھ کر پوتن مسکرا اٹھے۔ پھر دونوں رہنما ایک ہی گاڑی میں روانہ ہوئے۔

دہلی کی سرد فضا میں مودی–پوتن کی یہ کیمسٹری کئی ممالک کے رہنماؤں کے لیے بے چینی کا باعث بن سکتی ہے، کیونکہ دونوں ملکوں کی بڑھتی گرمجوشی یہ واضح کرتی ہے کہ وہ اپنے تعلقات کو نئے دور میں لے جانے کا فیصلہ کر چکے ہیں۔ ایئرپورٹ سے پوتن کو سیدھے وزیراعظم مودی اپنی رہائش گاہ لے جائیں گے، جہاں دونوں مل کر رات کا کھانا کھائیں گے۔

اس کے بعد دونوں رہنماؤں کے درمیان تقریباً دو گھنٹے بات چیت ہوگی، جو بڑھ بھی سکتی ہے۔ بعد ازاں پوتن آئی ٹی سی موریا ہوٹل میں رات گزاریں گے۔ پوتن کے دورۂ بھارت کا دوسرا دن انتہائی اہم ہے۔ اسی دن اہم اعلانات ہوں گے اور امکان ہے کہ دونوں رہنما کچھ بڑے فیصلے کریں۔ صبح گیارہ بجے صدرِ روس کو باضابطہ طور پر اعزاز پیش کیا جائے گا۔

گیارہ بجے ہی راشٹرپتی بھون میں رسمی استقبالیہ ہوگا۔ پھر 11:30 بجے کے قریب پوتن راج گھاٹ پہنچ کر مہاتما گاندھی کو خراجِ عقیدت پیش کریں گے۔ اس کے بعد 11:50 پر حیدرآباد ہاؤس میں وزیراعظم مودی سے ون آن ون ملاقات ہوگی، جس میں تمام اہم امور پر گفتگو ہوگی۔ دوپہر 1:50 پر دونوں رہنما میڈیا کے سامنے مشترکہ بیان جاری کریں گے۔