آواز دی وائس : نئی دہلی 

وزیر اعظم مودی کی غیر معمولی عرب سفارتی حکمت عملی نے خلیجی خطے کے ساتھ ہندوستان کے تعلقات کو ایک نئی سمت دی ہے۔ وزیر اعظم مودی حال ہی میں اردن عمان اور ایتھوپیا کے تین ملکی تاریخی دورے سے واپس آئے ہیں۔ یہ دورہ خلیجی خطے کے ساتھ ہندوستان کی شراکت داری کے ایک نئے مرحلے کی علامت ہے۔ اس دورے سے عرب دنیا کے مرکز میں وزیر اعظم کی گہری سفارتی سرگرمیوں اور غیر معمولی روابط کی عکاسی ہوتی ہے۔

اردن کے بادشاہ کی جانب سے ہندوستان کی اقتصادی ترقی کی توثیق کی گئی۔ بادشاہ عبداللہ دوم جو حضرت محمد ﷺ کی نسل کے اکتالیسویں براہ راست وارث ہیں نے عمان اردن میں وزیر اعظم مودی کا خیرمقدم کیا۔ ہندوستان اردن بزنس فورم سے خطاب کرتے ہوئے کنگ عبداللہ  نے وزیر اعظم مودی کی قیادت کی تعریف کی اور کہا کہ وزیر اعظم مودی کی شاندار قیادت میں ہندوستان نے غیر معمولی ترقی دیکھی ہے اور ہم آپ کے ساتھ مل کر اپنی اقتصادی شراکت داری کو نئی بلندیوں تک لے جانا چاہتے ہیں۔ اردن کے اسٹریٹجک محل وقوع اور آزاد تجارتی معاہدوں کے ساتھ اور ہندوستان کی اقتصادی طاقت اور جدید صنعتوں کے ذریعے ہم ایک ایسا اقتصادی راہداری نظام قائم کر سکتے ہیں جو جنوبی ایشیا کو مشرق وسطیٰ افریقہ اور یورپ سے جوڑے۔

اردن کے شہزادے کی جانب سے غیر معمولی ذاتی رویہ دیکھنے میں آیا۔ اردن کے شہزادے جو حضرت محمد ﷺ کی نسل کے بیالیسویں وارث ہیں نے ایک غیر معمولی انداز میں خود وزیر اعظم مودی کو اردن میوزیم تک گاڑی میں لے جا کر پہنچایا۔ ایک بزرگ عالمی رہنما کے طور پر وزیر اعظم کو دیے گئے احترام اور گرمجوشی کا مظاہرہ کرتے ہوئے شہزادے نے دوبارہ وزیر اعظم کو ہوائی اڈے تک خود پہنچا کر الوداع کہا۔ بعض اوقات کچھ اقدامات سفارتی آداب سے بڑھ کر ہوتے ہیں اور یہ بھی ایسا ہی ایک لمحہ تھا۔

في الطريق إلى متحف الأردن برفقة صاحب السمو الملكي ولي العهد الأمير الحسين بن عبدالله الثاني pic.twitter.com/Kj5I2xuBFG

— Narendra Modi (@narendramodi) December 16, 2025

ہندوستان اور اردن کے درمیان تعاون میں توسیع پر بھی اتفاق ہوا۔ دورے کے دوران وزیر اعظم مودی نے تجویز دی کہ دونوں ممالک آئندہ پانچ برسوں میں باہمی تجارت کو بڑھا کر 5 بلین ڈالر تک لے جانے کا ہدف رکھیں۔ دونوں ممالک کے درمیان ثقافت قابل تجدید توانائی آبی انتظام ڈیجیٹل عوامی انفراسٹرکچر اور پیٹرا اور ایلورا کے درمیان جڑواں شہر معاہدے سمیت مختلف شعبوں میں معاہدے طے پائے۔

عمان میں وزیر اعظم مودی کی قیادت کو اعلیٰ سطحی اعتراف ملا۔ عمان پہنچنے پر وزیر اعظم مودی کا استقبال عمان کے نائب وزیر اعظم برائے دفاعی امور سید شهاب بن طارق آل سعید نے کیا جو سلطان عمان کے بھائی بھی ہیں۔ اس دورے کے دوران سلطان ہیثم بن طارق نے وزیر اعظم مودی کو دو طرفہ تعلقات مضبوط بنانے میں نمایاں خدمات کے اعتراف میں آرڈر آف عمان فرسٹ کلاس سے نوازا۔ یہ اعزاز غیر معمولی اہمیت رکھتا ہے کیونکہ اس کے ذریعے وزیر اعظم مودی عالمی شخصیات کے منتخب گروہ میں شامل ہو گئے جن میں ملکہ الزبتھ دوم اور نیلسن منڈیلا بھی شامل ہیں۔یہ وزیر اعظم مودی کو کسی ملک کی جانب سے دیا جانے والا 29 واں اعلیٰ اعزاز تھا۔ اس اعزاز کی خاص بات یہ رہی کہ خلیج تعاون کونسل کے 6 میں سے 5 عرب ممالک وزیر اعظم مودی کو اپنا اعلیٰ ترین اعزاز دے چکے ہیں۔

اقتصادی تعاون میں ایک تاریخی پیش رفت بھی سامنے آئی۔ ہندوستان اور عمان کے درمیان جامع اقتصادی شراکت داری معاہدے پر دستخط کیے گئے۔ یہ تقریباً 20 برسوں میں عمان کا صرف دوسرا ایسا معاہدہ ہے جبکہ اس سے قبل واحد آزاد تجارتی معاہدہ امریکا کے ساتھ کیا گیا تھا۔ اس سے ہندوستان کے ساتھ شراکت داری پر عمان کے اعتماد کا واضح اظہار ہوتا ہے۔

یہ معاہدہ ہندوستان کے لئے بے مثال فائدے لے کر آئے گا کیونکہ اس کے تحت عمان کی 98 فیصد سے زیادہ ٹیرف لائنز پر زیرو ڈیوٹی کے ساتھ ہندوستانی برآمدات کو مارکیٹ تک رسائی ملے گی۔ اس سے محنت پر مبنی شعبوں کو فروغ ملے گا روزگار کے مواقع پیدا ہوں گے اور ایم ایس ایم ایز کاریگروں اور خواتین کی قیادت میں چلنے والے اداروں کو تقویت ملے گی۔ ٹیکسٹائل جواہرات اور زیورات انجینئرنگ مصنوعات ادویات زراعت اور آٹوموبائل جیسے اہم شعبے فائدہ اٹھائیں گے جبکہ حساس شعبوں کو کسانوں اور چھوٹے کاروباروں کے تحفظ کے لئے محفوظ رکھا گیا ہے۔ یہ معاہدہ خدماتی تجارت کو بھی مضبوط کرتا ہے ہنرمند پیشہ ور افراد کی نقل و حرکت کو آسان بناتا ہے اور بڑے خدماتی شعبوں میں 100 فیصد غیر ملکی سرمایہ کاری کی اجازت دیتا ہے جس سے ہندوستانی صلاحیتوں کے لئے اعلیٰ مواقع پیدا ہوں گے۔ایک وقت تھا جب یہ خیال عام تھا کہ وزیر اعظم مودی کے اقتدار میں آنے سے عرب دنیا اور ہندوستان کے تعلقات میں دوری آ جائے گی۔ مگر اس کے برعکس عرب خطے نے ہندوستان اور وزیر اعظم مودی دونوں کو گرمجوشی سے قبول کیا ہے۔ خطے نے وزیر اعظم کو غیر معمولی احترام دیا اور بے مثال اعزازات سے نوازا۔