نئی دہلی: وزیر اعظم نریندر مودی نے بھی مغربی بنگال اسمبلی انتخابات میں پارٹی کی جیت پر خوشی کا اظہار کیا ہے۔ انہوں نے ‘ایکس’ (سابقہ ٹوئٹر) پر کئی پوسٹس کیں، جن میں لکھا: “مغربی بنگال میں کمل کھل اٹھا! 2026 کے مغربی بنگال اسمبلی انتخابات ہمیشہ یاد رکھے جائیں گے۔
The Lotus blooms in West Bengal!
— Narendra Modi (@narendramodi) May 4, 2026
The 2026 West Bengal Assembly Elections will be remembered forever. People's power has prevailed and BJP's politics of good governance has triumphed. I bow to each and every person of West Bengal.
The people have given a spectacular mandate to…
یہ عوامی طاقت کی جیت ہے اور بی جے پی کی بہتر حکمرانی کی سیاست کامیاب ہوئی ہے۔ میں مغربی بنگال کے ہر شہری کو سلام پیش کرتا ہوں۔ عوام نے بی جے پی کو شاندار مینڈیٹ دیا ہے اور میں انہیں یقین دلاتا ہوں کہ ہماری پارٹی مغربی بنگال کے لوگوں کے خوابوں اور امنگوں کو پورا کرنے کے لیے ہر ممکن کوشش کرے گی۔ ہم ایسی حکومت فراہم کریں گے جو معاشرے کے تمام طبقات کو مواقع اور عزت کو یقینی بنائے۔”
اپنی ایک اور پوسٹ میں انہوں نے لکھا: مغربی بنگال میں بی جے پی کی یہ ریکارڈ توڑ جیت نسلوں سے بے شمار کارکنوں کی محنت اور جدوجہد کے بغیر ممکن نہیں تھی۔ میں ان سب کو سلام کرتا ہوں۔ برسوں سے انہوں نے زمینی سطح پر سخت محنت کی، ہر طرح کی مشکلات کا سامنا کیا اور ہمارے ترقیاتی ایجنڈے کے بارے میں بات کی۔ وہ ہماری پارٹی کی طاقت ہیں۔
