نئی دہلی/ آواز دی وائس
فلپائن کے صدر فرڈینینڈ آر مارکوس جونیئر کا منگل کے روز یہاں راشٹرپتی بھون کے احاطے میں رسمی استقبال کیا گیا۔راشٹرپتی بھون کے احاطے میں ان کے استقبال کے موقع پر وزیر اعظم نریندر مودی بھی موجود تھے، جہاں صدر دروپدی مرمو نے مارکوس جونیئر کا پرتپاک خیرمقدم کیا۔
صدر مارکوس جونیئر، خاتون اول میڈم لوئیس آرنیٹا مارکوس اور ایک سرکاری وفد کے ہمراہ پیر کے روز نئی دہلی پہنچے۔ اپنے پانچ روزہ ہندوستانی دورے کے دوران وہ وزیر اعظم مودی کے ساتھ دو طرفہ بات چیت کریں گے اور دونوں ممالک کے درمیان تعلقات کو مضبوط بنانے کے لیے کئی پروگراموں میں شرکت کریں گے۔
وزارت خارجہ نے پہلے ہی یہ واضح کیا تھا کہ فلپائن کے صدر کا عہدہ سنبھالنے کے بعد مارکوس کا یہ پہلا ہندوستانی دورہ ہے۔ راشٹرپتی بھون کے احاطے میں رسمی استقبالیہ تقریب کے دوران انہیں گارڈ آف آنر بھی پیش کیا گیا۔ اس موقع پر وزیر خارجہ ایس جے شنکر، مرکزی وزیر تعلیم دھرمیندر پردھان سمیت کئی معزز شخصیات موجود تھیں۔
دورے کے پہلے دن پیر کی شام کو وزیر خارجہ جے شنکر نے صدر مارکوس سے ملاقات کی۔
