پہلگام / آواز دی وائس
جموں و کشمیر کے پہلگام میں 22 اپریل 2025 کو ہونے والے دہشت گرد حملے میں 26 عام شہری جاں بحق ہوئے تھے۔ اس دوران پولیس نے بدھ کے روز جنوبی کشمیر سے ایک شخص کو گرفتار کیا۔ اس شخص پر الزام ہے کہ اس نے 22 اپریل کے پہلگام دہشت گرد حملے میں شامل دہشت گردوں کو لاجسٹک مدد فراہم کی تھی۔ حکام نے اس کارروائی کی اطلاع دی۔ گرفتار شخص کا تعلق لشکرِ طیبہ سے بتایا جا رہا ہے۔
دہشت گردوں کا مددگار گرفتار
ایک افسر نے بتایا کہ خفیہ اطلاع کی بنیاد پر سرینگر پولیس نے جنوبی کشمیر کے کولگام ضلع سے دہشت گردوں کے ایک معاون کو گرفتار کیا۔ اس کی شناخت 26 سالہ محمد یوسف کتاریہ کے طور پر ہوئی ہے۔" حکام کے مطابق گرفتار شخص نے پہلگام حملے میں شامل دہشت گردوں کو لاجسٹک سپورٹ فراہم کرنے میں اہم کردار ادا کیا تھا۔ ان دہشت گردوں کو "آپریشن مہا دیو" کے دوران ہلاک کر دیا گیا تھا۔
۔29 جولائی کو فوج کے خصوصی پیرا کمانڈوز نے سرینگر کے مضافات میں ایک جھڑپ کے دوران تین دہشت گردوں کو مار گرایا تھا۔ مارے گئے دہشت گردوں میں سلیمان عرف آصف بھی شامل تھا، جسے 22 اپریل کے پہلگام حملے کا ماسٹر مائنڈ مانا جاتا تھا۔ باقی دو کی شناخت جبران اور حمزہ افغانی کے طور پر ہوئی ہے۔ جبران اکتوبر 2024 میں سونمرگ سرنگ حملے میں بھی شامل رہا تھا۔ پہلگام حملے میں 26 افراد اپنی جان سے ہاتھ دھو بیٹھے تھے۔
کنٹریکٹ پر نوکری کرتا تھا کتاریہ
ذرائع نے بتایا کہ محمد کتاریہ کنٹریکٹ پر نوکری کرتا تھا اور مقامی بچوں کو پڑھاتا بھی تھا۔ چند ماہ قبل وہ دہشت گردوں کے رابطے میں آیا اور ان کی سرگرمیوں میں مدد کرنے لگا۔ تحقیقات میں یہ بھی سامنے آیا کہ اس نے پہلگام دہشت گرد حملے سے کئی ماہ پہلے لشکر گروپ کو کولگام کے جنگلاتی علاقوں سے گزرنے میں مدد فراہم کی تھی۔
تحقیقی ایجنسیاں پہلگام حملہ آوروں کی پچھلی سرگرمیوں، ٹھکانوں اور جموں و کشمیر میں دراندازی کے بعد انہیں ملی اوور گراؤنڈ ورکروں کی مدد کے بارے میں بھی کھوج کر رہی ہیں۔ جون میں نیشنل انویسٹی گیشن ایجنسی نے اعلان کیا تھا کہ اس نے دو افراد کو گرفتار کیا ہے جنہوں نے مبینہ طور پر حملہ آوروں کو پناہ اور لاجسٹک سپورٹ فراہم کی تھی۔
.webp "پہلگام حملہ:دہشت گردوں کی مدد کرنے والا شخص گرفتار")
